Micah 1:7 — Compare Translations

Kikuyu (Kĩrĩkanĩro Gĩa Gĩkũyũ)

Ngai cia mĩhianano ciarĩo nĩigũthuthangwo, indo ciothe iria aka a maraaya a hekaarũ maheagwo icinwo na mwaki, na mĩhianano yarĩo yothe ĩtuuo ya tũhũ. Samaria yagĩire na indo icio na njĩra ya kũhũũra ũmaraaya, no rĩu thũ igaakuua indo icio icicookerie aka a maraaya a kũndũ kũngĩ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mĩhianano yarĩo yothe nĩĩkoinangwo icunjĩ; nacio iheo ciothe cia hekarũ yarĩo icinwo na mwaki. Nĩngananga mĩhianano yothe yarĩo. Tondũ rĩonganirie iheo ciarĩo kuuma mũcaara wa ũmaraya, na igaatũmĩrwo rĩngĩ irĩ mũcaara wa kũrĩha maraya.”

Kikuyu Bible (IBUKU RĨRĨA ITHERU RĨA NGAI)

Mĩhianano yakuo yothe ya gwacũhio nĩ kũmemendwo ĩkamemendwo, nakĩo kĩndũ o gĩothe kĩrĩa kĩaheanĩirũo ũmaraya gĩcinwo na mwaki, o nayo mĩhianano yakuo yothe ya kũhoyũo ndĩmĩanangithie; nĩ gũkorũo yathondekithirio na mũcara o ũcio wa ũmaraya, nayo ĩgacoka gũtuĩka o ya mũcara wa ũmaraya o ro ũguo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ngai cia mĩhianano ciarĩo nĩigũthuthangwo, indo ciothe iria aka a maraaya a hekaarũ maheagwo icinwo na mwaki, na mĩhianano yarĩo yothe ĩtuuo ya tũhũ.Samaria yagĩire na indo icio na njĩra ya kũhũũra ũmaraaya, no rĩu thũ igaakuua indo icio icicookerie aka a maraaya a kũndũ kũngĩ.