Nehemiah 3:4 — Compare Translations

Kikuyu (Kĩrĩkanĩro Gĩa Gĩkũyũ)

Naake Meremothu mũrũ wa Uria na mũcũkũrũ wa Hakozu, agĩthiĩ na mbere gwaka arutĩĩtie kĩhingoinĩ kĩu. Naake Meshulamu mũrũ wa Berekia na mũcũkũrũ wa Meshezabeli, agĩthiĩ na mbere gwaka arutĩĩtie harĩa Meremothu aakinyirie. Naake Zadoku mũrũ wa Baana agĩthiĩ na mbere arutĩĩtie harĩa Meshulamu akinyirie.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Meremothu mũrũ wa Uria mũrũ wa Hakozu, nĩwe wacookereirie gĩcunjĩ kĩrĩa kĩarũmĩrĩire. Nake Meshulamu mũrũ wa Berekia mũrũ wa Meshezabeli agĩcookereria rũthingo gĩcunjĩ kĩrĩa kĩariganĩtie na hau. Ningĩ Zadoku mũrũ wa Baana agĩthiĩ na mbere gũcookereria gĩcunjĩ kĩrĩa kĩarũmĩrĩire.

Kikuyu Bible (IBUKU RĨRĨA ITHERU RĨA NGAI)

Ningĩ arĩa maarigainie na acio magĩcokereria rũthingo rũu, nĩ Meremothu, mũrũ wa Uria wa Hakozu. O nake ũrĩa wariganĩtie na acio akĩrũcokereria nĩ Meshulamu, mũrũ wa Berekia wa Meshezabeli. O nake ũrĩa wariganĩtie na acio akĩrũcokereria nĩ Zadoku wa Baana.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Meremothu mũrũ wa Uria na mũcũkũrũ wa Hakozu, agĩthiĩ na mbere gwaka arutĩĩtie kĩhingoinĩ kĩu.Naake Meshulamu mũrũ wa Berekia na mũcũkũrũ wa Meshezabeli, agĩthiĩ na mbere gwaka arutĩĩtie harĩa Meremothu aakinyirie.Naake Zadoku mũrũ wa Baana agĩthiĩ na mbere arutĩĩtie harĩa Meshulamu akinyirie.