Nehemiah 9:5 — Compare Translations

Kikuyu (Kĩrĩkanĩro Gĩa Gĩkũyũ)

Nao Alawii aya magĩtongoria mahooya: Jeshua, Kadimieli, Bani, Hashabaneia, Sherebia, Hodia, Shebania, na Pethahia, makiuga atĩrĩ, “Rũũgamaai mũgooce MWATHANI Ngai wanyu. mũgooceei tene na tene! Mũndũ o wothe tanĩakĩgooce rĩĩtwa rĩake rĩrĩ riiri, o na gũtuĩka rũgooco rwa andũ rũtingĩigana.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nao Alawii nĩo Jeshua, na Kadimieli, na Bani, na Hashabineia, na Sherebia, na Hodia, na Shebania, na Pethahia, makiuga atĩrĩ, “Rũgamai mũgooce Jehova Ngai wanyu, ũcio ũtũũraga tene na tene.” “Kũrathimwo nĩ rĩĩtwa rĩaku rĩrĩ riiri, narĩo rĩrotũũgĩrio gũkĩra ũgooci na irathimo ciothe.

Kikuyu Bible (IBUKU RĨRĨA ITHERU RĨA NGAI)

Ningĩ Alawii, aa Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, makiuga atĩrĩ, Rũgamai mũgooce Jehova, Ngai wanyu, ũrĩa ũtũũraga tene na tene, o na mĩndĩ na mĩndĩ. Narĩo rĩĩtwa rĩaku rĩrĩa rĩrĩ riri na rĩgatũũgĩrio rĩgakĩra ũgooci wothe o na ngumo yothe rĩrogathwo!

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Hĩndĩ ĩyo andũ a Isiraeli makĩhooya ihooya rĩĩrĩ:“Wee, MWATHANI nĩ we MWATHANI wiki; nĩ we wombire igũrũ o na njata cia matuinĩ.Nĩ we wombire thĩ, iria o na indo ciothe irĩ kuo, na nĩ we waciheire muoyo.Mbũtũ ya igũrũ nĩ we ĩinamagĩrĩra ĩgagũthaathaiya.