Numbers 18:23 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Alawii nĩ o marĩmenyagĩrĩra Hema na nĩ o marĩcookagĩrĩrwo nĩ ũũru wothe wayo. Watho ũcio nĩ wa gũtũũra ũrũmagĩrĩrwo nĩ inyuĩ na njiarwa cianyu. Alawii matikaagĩa na igai gatagatĩinĩ ka andũ a Isiraeli,
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Alawii nĩo marĩrutaga wĩra Hema-inĩ-ya-Gũtũnganwo na nĩo marĩcookagĩrĩrwo nĩ mahĩtia marĩa meekĩirwo hau. Ũyũ nĩ watho wa gũtũũrio nĩ njiaro iria igooka. Matikagĩa na igai thĩinĩ wa andũ a Isiraeli.
Kikuyu Bible (IBUKU RĨRĨA ITHERU RĨA NGAI)
No rĩrĩ, Alawii nĩo marĩrutaga wĩra wa hema-ya-gũtũnganwo, na nĩo marĩcokagĩrĩrũo nĩ ũũru ũrĩa ũngĩoneka ho; naguo ũhoro ũcio ũtuĩke kĩrĩra kĩa watho wa kũrũmĩrĩrũo njiaro-inĩ cianyu ciothe tene na tene; nao Alawii acio matikagwata igai rĩa gĩthaka o na atĩa thĩinĩ wa ciana cia Isiraeli.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Alawii nĩ o marĩmenyagĩrĩra Hema na nĩ o marĩcookagĩrĩrwo nĩ ũũru wothe wayo. Watho ũcio nĩ wa gũtũũra ũrũmagĩrĩrwo nĩ inyuĩ na njiarwa cianyu. Alawii matikaagĩa na igai gatagatĩinĩ ka andũ a Isiraeli,