Numbers 2:10 — Compare Translations

Kikuyu (Kĩrĩkanĩro Gĩa Gĩkũyũ)

Mwena wa na kĩanda ũrĩambagwo hema nĩ gĩkundi kĩrĩa gĩtongoreetio nĩ bendera ya mũhĩrĩga wa Reubeni, o mũhĩrĩga ũkaamba hema ciaguo rungu rwa atongoria aaguo ta ũũ: Reubeni Elizuru mũrũ wa Shedeuru Ngiri mĩrongo ĩna na ithathatũ na magana mataano (46,500) Simeoni Shelumieli mũrũ wa Zurishadai Ngiri mĩrongo ĩtaano na kenda na magana matatũ (59,300) Gadi Eliasafu mũrũ wa Deueli Ngiri mĩrongo ĩna na ithaano na magana matandatũ na mĩrongo ĩtaano (45,650). Oothe nĩ ngiri igana na mĩrongo ĩtaano na ĩmwe na magana mana na mĩrongo ĩtaano (151,450). Andũ acio a gĩkundi kĩa Reubeni nĩ o marĩrũmagĩrĩra.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mwena wa gũthini nĩho ikundi cia kambĩ ya mũhĩrĩga wa Rubeni igaakorwo, harĩa bendera yao ĩrĩ. Mũtongoria wa andũ a Rubeni nĩ Elizuru mũrũ wa Shedeuru.

Kikuyu Bible (IBUKU RĨRĨA ITHERU RĨA NGAI)

Naguo mwena wa gũthini ũgũtuĩka wa kũhanda kĩbebero gĩa kĩraaro kĩa andũ a Reubeni o ta ũrĩa mbũtũ ciao irũmanĩrĩire nake; mũndũ ũrĩa ũgũtuĩka mũtongoria wa ciana icio cia Reubeni nĩ Elizuru wa Shedeuru.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Kwoguo andũ a Isiraeli magĩĩka maũndũ moothe marĩa MWATHANI aathĩĩte Musa. Magĩkĩamba hema o mũndũ harĩa haarĩ bendera yao, na o mũndũ agatwaranaga na andũ a nyũmba ya ithe.