Numbers 28:14 — Compare Translations

Kikuyu (Kĩrĩkanĩro Gĩa Gĩkũyũ)

Narĩo igongoona rĩa ndibei nĩ rita igĩrĩ cia ndibei hamwe na o gateegwa, rita ĩmwe na nuthu ya ndibei hamwe na ndũrũme, na rita ĩmwe ya ndibei hamwe na o gatũrũme. Rĩu nĩrĩo igongoona rĩa njino rĩrĩa rĩrĩrutagwo mũthenya wa mbere wa o mweri mwaka wothe.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Harĩ o ndegwa nĩ harĩkoragwo na iruta rĩa kũnyuuo rĩa nuthu ya hini ĩmwe ya ndibei; na harĩ ndũrũme, nĩ gĩcunjĩ gĩa ithatũ kĩa hini ĩmwe; na harĩ o gatũrũme, nĩ gĩcunjĩ kĩa inya kĩa hini ĩmwe. Rĩu nĩrĩo igongona rĩa njino rĩa o mweri rĩrĩa rĩrĩrutagwo o karũgamo ka mweri, mwaka wothe.

Kikuyu Bible (IBUKU RĨRĨA ITHERU RĨA NGAI)

Na rĩrĩ, indo iria irĩrutagwo, ituĩke indo cia kũnyuwo cia igongona-rĩ, nĩ nuthu ya hini ĩmwe ya ndibei nĩ ũndũ wa ndegwa ĩmwe, o na gĩcunjĩ gĩa gatatũ kĩa hini ĩmwe nĩ ũndũ wa ndũrũme ĩmwe, o na gĩcunjĩ gĩa kana kĩa hini ĩmwe nĩ ũndũ wa gatũrũme kamwe; rĩu nĩrĩo ihaki rĩa njino rĩa mweri o mweri, mĩeri-inĩ yothe ya mwaka mũgima.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Narĩo igongoona rĩa ndibei nĩ rita igĩrĩ cia ndibei hamwe na o gateegwa, rita ĩmwe na nuthu ya ndibei hamwe na ndũrũme, na rita ĩmwe ya ndibei hamwe na o gatũrũme. Rĩu nĩrĩo igongoona rĩa njino rĩrĩa rĩrĩrutagwo mũthenya wa mbere wa o mweri mwaka wothe.