Numbers 6:11 — Compare Translations

Kikuyu (Kĩrĩkanĩro Gĩa Gĩkũyũ)

Naake mũthĩnjĩri Ngai akaruta ĩmwe ĩrĩ igongoona rĩa meehia, nayo ĩyo ĩngĩ ĩrĩ igongoona rĩa njino, nĩ geetha Mũnaziri ũcio agĩtherio tondũ wa gũkorwo ahuutanĩĩtie na kĩimba. Mũthenya o ro ũcio akaamũra njuĩrĩ ciake rĩngĩ,

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nake mũthĩnjĩri-Ngai arute ĩmwe ĩtuĩke igongona rĩa kũhoroherio mehia, nayo ĩyo ĩngĩ ĩtuĩke nĩ iruta rĩa njino nĩguo ahoroherio, nĩ ũndũ nĩehĩtie nĩgũkorwo arĩ hamwe na kĩimba. Mũthenya o ro ũcio no nginya aamũrĩre Jehova mũtwe wake rĩngĩ.

Kikuyu Bible (IBUKU RĨRĨA ITHERU RĨA NGAI)

nake mũthĩnjĩri-Ngai arute ĩmwe, ĩtuĩke ya igongona rĩa mehia, nayo ĩrĩa ĩngĩ ĩtuĩke ya ihaki rĩa njino, akĩmũhoroherie nĩ ũndũ wa rĩĩhia rĩu ehĩtie akĩhutia kĩimba; nake mũndũ ũcio mũthenya o ro ũcio acoke aamũrĩre Jehova mũtwe wake rĩngĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

o na akaamũrĩra MWATHANI rĩngĩ mahinda maake. Ihinda rĩu rĩngĩ rĩothe rĩhĩtũku rĩtirĩtaragwo, amu njuĩrĩ ciake iria nyamũre nĩirathaahirio. Naake acooke arute gatũrũme ka mwaka ũmwe karĩ igongoona rĩa kũrĩhĩra meehia.