Numbers 7:13 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Indo iria aarutire ciarĩ thaani ĩmwe ya betha ya ũritũ wa cekeri igana rĩmwe rĩa mĩrongo ĩtatũ, na mbakũri ĩmwe ya betha ya kũminjaminjĩria ya ũritũ wa cekeri mĩrongo mũgwanja, cierĩ kũringana na gĩthimo gĩa cekeri ya harĩa haamũre, na o ĩmwe yaiyũrĩtio mũtu ũrĩa mũhinyu mũno ũtukanĩtio na maguta, ũrĩ iruta rĩa mũtu;

Kikuyu Bible (IBUKU RĨRĨA ITHERU RĨA NGAI)

nacio indo iria aarutire nĩ gĩthani kĩmwe kĩnene kĩa betha, naguo ũritũ wakĩo warĩ cekeri igana rĩa mĩrongo ĩtatũ gĩgĩthimwo, na mbakũri ya betha ya cekeri mĩrongo mũgwanja, o ta ũrĩa cekeri ya handũ harĩa haamũre yaiganaga ĩgĩthimwo; nacio cierĩ ciaiyũrĩte mũtu mũhinyu mũno ũtukanĩtio na maguta, ũtuĩke ihaki rĩa mũtu;

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(84-88) Mũigana wa mĩhothi yothe ĩrĩa yarutagwo nĩ atongoria acio ikũmi na eerĩ ya kwamũrwo gwa kĩgongoona yarĩ ta ũũ:-- mbakũri ikũmi na igĩrĩ cia betha, na mbeeceni ikũmi na igĩrĩ cia betha ciothe irĩ hamwe i na ũritũ wa kiro mĩrongo ĩĩrĩ na mũgwanja na boiniti ithathatũ;-- thaani ikũmi na igĩrĩ cia thahabu ciothe cia ũritũ wa kiro ĩmwe na boiniti mĩrongo ĩtatũ na igĩrĩ ituranĩirwo, ciyũire ũbaani;-- ndeegwa ikũmi na igĩrĩ, ndũrũme ikũmi na igĩrĩ, tũtũrũme ikũmi na twĩrĩ twa mwaka ũmwe, hamwe na mũhothi wa mũtu ũrĩa ũrutanagĩrio natuo, irĩ cia igongoona rĩa njino;-- thenge ikũmi na igĩrĩ irĩ cia igongoona rĩa meehia;-- ndeegwa mĩrongo ĩĩrĩ na inya, ndũrũme mĩrongo ĩtandatũ, thenge mĩrongo ĩtandatũ, na tũtũrũme mĩrongo ĩtandatũ twa mwaka ũmwe, irĩ cia igongoona rĩa thaayũ.