Revelation 3:18 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Kwoguo ngũgũtaara atĩ ũgũre thahabu ĩrĩa ĩthereetio na mwaki kuuma kũrĩ niĩ nĩ geetha ũtonge. Ningĩ ũgũre nguo cia rangi mwerũ wĩhumbe nĩguo ũhumbĩre njaga ĩyo yaku ĩtige kuoneka, ũcooke ũgũre maguta ũhake maitho macio maaku nĩguo wone.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Ngũgũtaara atĩ ũgũre thahabu ĩrĩa therie na mwaki kuuma kũrĩ niĩ, nĩgeetha ũtonge, na ningĩ ũgũre nguo cia rangi mwerũ cia kwĩhumba, nĩguo ũhumbĩre thoni cia njaga yaku, na ũgũre ndawa wĩhake maitho maku, nĩguo ũhote kuona.
Kikuyu Bible (IBUKU RĨRĨA ITHERU RĨA NGAI)
tondũ ũcio ngũgũtaara atĩrĩ, atĩ ũgũre thahabu kũrĩ niĩ, ũrĩa mũtherie na mwaki, nĩguo ũtonge; na ũgũre nguo iria njerũ, nĩguo wĩhumbe, thoni ciaku cia gũikara njaga itige kuonekana; o na ũgũre mũthaiga wa maitho, wĩhake maitho, nĩguo wonage.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Kwoguo ngũgũtaara atĩ ũgũre thahabu ĩrĩa ĩthereetio na mwaki kuuma kũrĩ niĩ nĩ geetha ũtonge. Ningĩ ũgũre nguo cia rangi mwerũ wĩhumbe nĩguo ũhumbĩre njaga ĩyo yaku ĩtige kuoneka, ũcooke ũgũre maguta ũhake maitho macio maaku nĩguo wone.