Romans 6:13 — Compare Translations

Kikuyu (Kĩrĩkanĩro Gĩa Gĩkũyũ)

O na ningĩ mũtikaarekage ciĩga cianyu ihũthagĩrwo ta indo cia gũtungatĩra meehia. Handũ ha gwĩkaga ũguo-rĩ, mwĩheanageei harĩ Ngai ta andũ mariũkĩĩtio kuuma gĩkuũinĩ, na mũmũrutĩre ciĩga cianyu ituĩke cia kũmũtungatagĩra maũndũinĩ ma ũthingu.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ningĩ mũtikananeane ciĩga cia mĩĩrĩ yanyu mehia-inĩ, atĩ nĩguo ituĩke ta indo cia kũhũthĩrwo cia kwagana nacio, no nĩ kaba mwĩheanage kũrĩ Ngai, mũhaana ta andũ marutĩtwo gĩkuũ-inĩ makarehwo muoyo-inĩ na mũneanage ciĩga icio cia mĩĩrĩ yanyu kũrĩ we nĩguo ituĩke ta indo cia kũhũthĩrwo na gwĩka maũndũ ma ũthingu.

Kikuyu Bible (IBUKU RĨRĨA ITHERU RĨA NGAI)

na mũtigakĩneanage ciĩga cianyu harĩ ũhoro ũcio wa wĩhia atĩ ituĩke ta indo ciaguo cia ita cia kwagana nacio: no rĩrĩ, wĩheanei harĩ Ngai, ta andũ maakuire na rĩu mwĩ muoyo, muumĩte gĩkuũ-inĩ; nacio ciĩga cianyu mũgĩciheane o harĩ Ngai ituĩke ta indo cia ita cia gwĩkaga maũndũ ma ũthingu nacio.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

O na ningĩ mũtikaarekage ciĩga cianyu ihũthagĩrwo ta indo cia gũtungatĩra meehia. Handũ ha gwĩkaga ũguo-rĩ, mwĩheanageei harĩ Ngai ta andũ mariũkĩĩtio kuuma gĩkuũinĩ, na mũmũrutĩre ciĩga cianyu ituĩke cia kũmũtungatagĩra maũndũinĩ ma ũthingu.