Romans 8:3 — Compare Translations

Kikuyu (Kĩrĩkanĩro Gĩa Gĩkũyũ)

Nĩ gũkorwo Ngai nĩekire ũrĩa Watho ũtangĩahotire gwĩka nĩ ũndũ wa kwagithio hinya nĩ mwĩrĩ. Ngai nĩatũmire Mũũriũ ooke gũũkũ thĩ e na mwĩrĩ ũhaana ta mwĩrĩ ũyũ witũ ũrĩa wĩhagia nĩ ũndũ wa meehia ma andũ, naake e na mwĩrĩ ũcio agĩtooria meehia.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nĩgũkorwo ũndũ ũrĩa watho wa Musa ũtangĩahotire gwĩka nĩ ũndũ wa kwagithio hinya nĩ mwĩrĩ ũyũ wĩhagia-rĩ, Ngai nĩekire ũndũ ũcio na ũndũ wa gũtũma Mũriũ wake mwene arĩ na mwĩrĩ ũhaanaine na mwĩrĩ ũyũ wĩhagia, nĩgeetha atuĩke igongona rĩa kũhoroheria mehia. Na nĩ ũndũ ũcio agĩtuĩra wĩhia ũrĩa warĩ thĩinĩ wa mũndũ ũrĩa wĩhagia ciira,

Kikuyu Bible (IBUKU RĨRĨA ITHERU RĨA NGAI)

Nĩ gũkorũo ũndũ ũrĩa ũtangĩahotekire nĩ watho ũcio, nĩ ũndũ wa kwagithio hinya nĩ ũhoro wa mwĩrĩ-rĩ, Ngai nĩaawĩkire nĩ kũrekia Mũrũwe o ũrĩa wake mwene, arĩ na mwĩrĩ ũhaanaine na ĩno iitũ ya wĩhia, atĩ we atuĩke thĩnjo nĩ ũndũ wa wĩhia; agĩgĩtua cira na njĩra ĩo atĩ ũhoro wa wĩhia ũtorio mĩĩrĩ-inĩ ya andũ:

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Nĩ gũkorwo Ngai nĩekire ũrĩa Watho ũtangĩahotire gwĩka nĩ ũndũ wa kwagithio hinya nĩ mwĩrĩ. Ngai nĩatũmire Mũũriũ ooke gũũkũ thĩ e na mwĩrĩ ũhaana ta mwĩrĩ ũyũ witũ ũrĩa wĩhagia nĩ ũndũ wa meehia ma andũ, naake e na mwĩrĩ ũcio agĩtooria meehia.