Zechariah 12:10 — Compare Translations

Kikuyu (Kĩrĩkanĩro Gĩa Gĩkũyũ)

“Nĩngaahe nyũmba ya Daudi o na atũũri a Jerusalemu roho wa kũiguanĩra tha o na wa kũhooya. Na nĩmagaacũũthĩrĩria ũrĩa maatheecire makĩũraga, na mamũrĩrĩre o ta ũrĩa mũndũ arĩragĩra mũũrũwe wa mũũmwe. Makaamũrĩrĩra, o ta ũrĩa mũndũ arĩragĩra mũũrũwe wa irigithaathi akua.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Na nĩngaitĩrĩria nyũmba ya Daudi na arĩa othe matũũraga itũũra rĩa Jerusalemu roho wa gũtugana na wagũthaithana. Nao nĩmakerorera ũrĩa maathecire, na nĩmakamũrĩrĩra marĩ na ruo o ta ũrĩa mũndũ arĩragĩra mwana wa mũmwe, na magĩe na kĩeha kĩnene o ta ũrĩa mũndũ ethikagĩra akuĩrĩirwo nĩ mwana wake wa irigithathi.

Kikuyu Bible (IBUKU RĨRĨA ITHERU RĨA NGAI)

O na ningĩ nĩngekĩra nyũmba ya Daudi, o na andũ arĩa matũũraga Jerusalemu, ngoro ya gũtugana, o na ya gũthaithana; nao makarora mũndũ ũrĩa maathecire, na mamũrĩrĩre o ta ũrĩa mũndũ arĩragĩra mũriũ wa mũmwe; ningĩ nĩmagethikĩra na ngoro nĩ ũndũ wake, o ta ũrĩa mũndũ ethikagĩra na ngoro nĩ ũndũ wa mwana wa irigithathi.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Nĩngaahe nyũmba ya Daudi o na atũũri a Jerusalemu roho wa kũiguanĩra tha o na wa kũhooya. Na nĩmagaacũũthĩrĩria ũrĩa maatheecire makĩũraga, na mamũrĩrĩre o ta ũrĩa mũndũ arĩragĩra mũũrũwe wa mũũmwe. Makaamũrĩrĩra, o ta ũrĩa mũndũ arĩragĩra mũũrũwe wa irigithaathi akua.