Zechariah 13:3 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Thuutha ũcio mũndũ angĩgaathiĩ na mbere na kũratha moohoro, aciari aake makaamwĩra atĩ nĩagĩrĩirwo nĩkũũragwo nĩ gũkorwo oigaga atĩ nĩ ũhoro wa MWATHANI aaragia, no nĩkwaria aaragia ndeto cia maheeni. Na rĩĩrĩ, aciari aake makaamũtheeca na kahiũ mamũũrage o hĩndĩ ĩyo araratha.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Na rĩrĩ, kũngĩgaakorwo na mũndũ ũrathiĩ na mbere na kũratha mohoro-rĩ, ithe na nyina, arĩa mamũciarĩte, nĩ makaamwĩra atĩrĩ, ‘No nginya ũkue, nĩ ũndũ nĩwarĩtie maheeni ũkĩgwetaga rĩĩtwa rĩa Jehova.’ Rĩrĩa akaaratha mohoro-rĩ, aciari ake mwene nĩmakamũtheeca na rũhiũ.
Kikuyu Bible (IBUKU RĨRĨA ITHERU RĨA NGAI)
Na nĩgũgakinya atĩrĩ, atĩ hĩndĩ ĩrĩa mũndũ o na ũrĩkũ agakorũo o akĩrathaga mohoro, hĩndĩ ĩo ithe na nyina arĩa maamũciarire makamwĩra atĩrĩ, Ndwagĩrĩirũo nĩ gũtũũra muoyo, nĩ ũndũ nĩ kwaria ũraaria ndeto cia maheni ũkĩgwetaga rĩĩtwa rĩa Jehova; nao ithe na nyina, o acio amũciari, mamũthece na rũhiũ kĩngwete o akĩratha mohoro.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Thuutha ũcio mũndũ angĩgaathiĩ na mbere na kũratha moohoro, aciari aake makaamwĩra atĩ nĩagĩrĩirwo nĩkũũragwo nĩ gũkorwo oigaga atĩ nĩ ũhoro wa MWATHANI aaragia, no nĩkwaria aaragia ndeto cia maheeni. Na rĩĩrĩ, aciari aake makaamũtheeca na kahiũ mamũũrage o hĩndĩ ĩyo araratha.