1 Kings 2:8 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

មួយទៀត មានស៊ីម៉ាយ ជាកូនកេរ៉ា ក្នុងកុល‌សម្ព័ន្ធបេនយ៉ាមីន ជាអ្នកស្រុកបា‌ហ៊ូ‌រីម នៅជា‌មួយបុត្រដែរ គេបានជេរប្រមាថដល់បិតា ដោយពាក្យជេរយ៉ាងធ្ងន់ នៅថ្ងៃដែលបិតាបានទៅឯស្រុកម៉ា‌ហា‌ណែម ប៉ុន្តែ គេបានចុះមកក្រាបទទួលបិតានៅទន្លេយ័រដាន់វិញ ហើយបិតាបានស្បថនឹងគេដោយនូវព្រះ‌យេហូវ៉ាថា "យើងនឹងមិនសម្លាប់អ្នកដោយដាវទេ"។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ចូរកុំភ្លេចលោកស៊ី‌ម៉ៃ ជាកូនរបស់លោកកេរ៉ា ជាអ្នកភូមិបា‌ហ៊ូ‌រីម ក្នុងទឹកដីបេន‌យ៉ាមីន គេបានជេរប្រមាថ និងដាក់បណ្ដាសាបិតា នៅពេលបិតាភៀសខ្លួនទៅដល់ម៉ាហា‌ណែម។ ប៉ុន្តែ ពេលបិតាត្រឡប់មកវិញ គេបានមកទទួលបិតានៅមាត់ទន្លេយ័រដាន់។ ពេលនោះ បិតាបានស្បថនៅចំពោះព្រះ‌ភ័ក្ត្រ ព្រះ‌អម្ចាស់ ថា មិនសម្លាប់គេដោយមុខដាវឡើយ។

Khmer 2014 (អាល់គីតាប)

ចូរកុំភ្លេចលោកស៊ី‌ម៉ៃ ជាកូនរបស់លោកកេរ៉ា ជាអ្នកភូមិបា‌ហ៊ូ‌រីម ក្នុងទឹកដីពុន‌យ៉ាមីន គេបានជេរប្រមាថ និងដាក់បណ្តាសាបិតា នៅពេលបិតាភៀសខ្លួនទៅដល់ម៉ាហា‌ណែម។ ប៉ុន្តែ ពេលបិតាត្រឡប់មកវិញ គេបានមកទទួលបិតានៅមាត់ទន្លេយ័រដាន់។ ពេលនោះបិតាបានស្បថនៅចំពោះ អុលឡោះ‌តាអាឡា ថា មិនសម្លាប់គេដោយមុខដាវឡើយ។

Khmer BFBS (ព្រះគម្ពីរបរិសុទ្ធ ១៩៥៤)

មួយទៀតមានស៊ីម៉ាយ ជាកូនកេរ៉ា ក្នុងពូជអំបូរបេន‌យ៉ាមីន ជាអ្នកស្រុកបាហ៊ូរីម នៅជាមួយនឹងឯងដែរ វាបានជេរប្រមាថដល់អញ ដោយពាក្យជេរយ៉ាងធ្ងន់ នៅថ្ងៃដែលអញបានទៅឯស្រុកម៉ាហា‌ណែម ប៉ុន្តែវាបានចុះមកក្រាបទទួលអញនៅទន្លេយ័រដាន់វិញ ហើយអញបានស្បថនឹងវាដោយនូវព្រះ‌យេហូវ៉ាថា អញមិនសំឡាប់វាដោយដាវទេ

Khmer Standard Version 1954 = Hammond Version

ចូរកុំភ្លេចលោកស៊ីម៉ៃ ជាកូនរបស់លោកកេរ៉ា ជាអ្នកភូមិបាហ៊ូរីម ក្នុងទឹកដីបេនយ៉ាមីន គេបានជេរប្រមាថ និងដាក់បណ្ដាសាបិតា នៅពេលបិតាភៀសខ្លួនទៅដល់ម៉ាហាណែម។ ប៉ុន្តែ ពេលបិតាត្រឡប់មកវិញ គេបានមកទទួលបិតានៅមាត់ទន្លេយ័រដាន់។ ពេលនោះ បិតាបានស្បថនៅចំពោះព្រះភក្ត្រ ព្រះអម្ចាស់ ថា មិនសម្លាប់គេដោយមុខដាវឡើយ។

1 Kings 2:8 — Compare Translations