1 Kings 8:66 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

នៅថ្ងៃទីប្រាំបី ព្រះរាជាឲ្យប្រជាជនត្រឡប់ទៅវិញ គេក៏ថ្វាយព្រះពរព្រះរាជា រួចវិលទៅលំនៅដ្ឋានរបស់គេវិញរៀងៗខ្លួន ដោយចិត្តសប្បាយរីករាយ ហើយត្រេក‌អរចំពោះអស់ទាំងសេចក្ដីសប្បុរស ដែលព្រះ‌យេហូវ៉ាបានប្រោសដល់ព្រះបាទដាវីឌ ជាអ្នកបម្រើរបស់ព្រះ‌អង្គ និងដល់ពួកអ៊ីស្រា‌អែល ជាប្រជា‌រាស្ត្ររបស់ព្រះ‌អង្គ។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

នៅថ្ងៃទីប្រាំបី ព្រះ‌រាជាឲ្យប្រជា‌ជនអ៊ីស្រា‌អែលវិលត្រឡប់ទៅវិញ។ លុះថ្វាយពរព្រះ‌រាជារួចហើយ ប្រជា‌ជនវិលត្រឡប់ទៅលំ‌នៅ‌ដ្ឋានរបស់ពួកគេរៀងៗខ្លួន ដោយចិត្តសប្បាយរីក‌រាយ ព្រោះ ព្រះ‌អម្ចាស់ បានសម្តែងព្រះ‌ហឫទ័យសប្បុរសចំពោះព្រះ‌បាទដាវីឌ ជាអ្នកបម្រើរបស់ព្រះអង្គ និងចំពោះអ៊ីស្រា‌អែល ជាប្រជា‌រាស្ត្ររបស់ព្រះអង្គ។

Khmer 2014 (អាល់គីតាប)

នៅថ្ងៃទីប្រាំបីស៊ូឡៃ‌ម៉ានឲ្យប្រជា‌ជនអ៊ីស្រ‌អែលវិលត្រឡប់ទៅវិញ។ លុះជូនពរស្តេចរួចហើយ ប្រជា‌ជនវិលត្រឡប់ទៅលំ‌នៅ‌ដ្ឋានរបស់ពួកគេរៀងៗខ្លួន ដោយចិត្តសប្បាយរីក‌រាយ ព្រោះ អុលឡោះ‌តាអាឡា បានសំដែងចិត្តសប្បុរស ចំពោះស្តេចទត ជាអ្នកបម្រើរបស់ទ្រង់ និងចំពោះអ៊ីស្រ‌អែលជាប្រជា‌រាស្ត្ររបស់ទ្រង់។

Khmer BFBS (ព្រះគម្ពីរបរិសុទ្ធ ១៩៥៤)

ដល់ថ្ងៃទី៨ នោះទ្រង់ឲ្យពួករាស្ត្រត្រឡប់ទៅវិញ គេក៏ថ្វាយពរដល់ស្តេច រួចវិលទៅឯទីលំនៅរបស់គេវិញ ដោយមានចិត្តសប្បាយ ហើយត្រេក‌អរចំពោះអស់ទាំងសេចក្ដីសប្បុរស ដែលព្រះ‌យេហូវ៉ាបានប្រោសដល់ដាវីឌ ជាអ្នកបំរើទ្រង់ ហើយដល់ពួកអ៊ីស្រាអែល ជារាស្ត្ររបស់ទ្រង់ដែរ។

Khmer Standard Version 1954 = Hammond Version

នៅថ្ងៃទីប្រាំបីព្រះរាជាអោយប្រជាជនអ៊ីស្រាអែលវិលត្រឡប់ទៅវិញ។ លុះថ្វាយពរព្រះរាជារួចហើយ ប្រជាជនវិលត្រឡប់ទៅលំនៅដ្ឋានរបស់ពួកគេរៀងៗខ្លួន ដោយចិត្តសប្បាយរីករាយ ព្រោះ ព្រះអម្ចាស់ បានសំដែងព្រះហឫទ័យសប្បុរស ចំពោះព្រះបាទដាវីឌ ជាអ្នកបំរើរបស់ព្រះអង្គ និងចំពោះអ៊ីស្រាអែលជាប្រជារាស្ត្ររបស់ព្រះអង្គ។

1 Kings 8:66 — Compare Translations