2 Chronicles 5:13 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

នៅខណៈនោះ កាលពួកផ្លុំត្រែ និងពួកចម្រៀង គេប្រគំភ្លេងព្រមគ្នាឮសំឡេងតែមួយ ដើម្បីលើកសរសើរ ហើយអរព្រះ‌គុណដល់ព្រះ‌យេហូវ៉ា គឺកាលគេឡើងសំឡេងដោយផ្លុំត្រែ វាយឈិង និងលេងប្រដាប់ភ្លេងទាំងប៉ុន្មាន ព្រមទាំងលើកសរសើរដល់ព្រះ‌យេហូវ៉ា ដោយពាក្យថា៖ «ទ្រង់ប្រកបដោយករុណា‌គុណ សេចក្ដីសប្បុរសរបស់ព្រះ‌អង្គ នៅអស់កល្បជា‌និច្ច»។ ពេលនោះ ស្រាប់តែព្រះ‌ដំណាក់របស់ព្រះ‌យេហូវ៉ា មានពេញដោយពពក។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ក្រុមអ្នកផ្លុំត្រែ និងក្រុមចម្រៀង នាំគ្នាប្រគំជាបទភ្លេង និងបន្លឺសំឡេងច្រៀងព្រមគ្នា ដើម្បីសរសើរ និងលើកតម្កើង ព្រះ‌អម្ចាស់ ។ កាលសំឡេងត្រែ ស្គរ និងឧបករណ៍តន្ត្រីឯទៀតៗប្រគំឡើង ក្រុមចម្រៀងនាំគ្នាច្រៀងសរសើរ ព្រះ‌អម្ចាស់ ដោយពាក្យថា «ព្រះអង្គជាព្រះដ៏ល្អសប្បុរស ដ្បិតព្រះ‌ហឫទ័យមេត្តាករុណារបស់ព្រះអង្គ នៅស្ថិត‌ស្ថេររហូតតទៅ!» ស្រាប់តែមានពពកពេញក្នុងព្រះ‌ដំណាក់របស់ ព្រះ‌អម្ចាស់ ។

Khmer 2014 (អាល់គីតាប)

ក្រុមអ្នកផ្លុំត្រែ និងក្រុមចំរៀងនាំគ្នាប្រគំជាបទភ្លេង និងបន្លឺសំឡេងច្រៀងព្រមគ្នា ដើម្បីសរសើរ និងលើកតម្កើង អុលឡោះ‌តាអាឡា ។ កាលសំឡេងត្រែ ស្គរ និងឧបករណ៍តន្ត្រីឯទៀតៗប្រគំឡើង ក្រុមចំរៀងនាំគ្នាច្រៀងសរសើរ អុលឡោះ‌តាអាឡា ដោយពាក្យថា «ទ្រង់ជាម្ចាស់ដ៏ល្អសប្បុរស ដ្បិតចិត្តមេត្តា‌ករុណារបស់ទ្រង់នៅស្ថិត‌ស្ថេររហូតតទៅ!» ស្រាប់តែមានពពកពេញក្នុងដំណាក់របស់ អុលឡោះ‌តាអាឡា ។

Khmer BFBS (ព្រះគម្ពីរបរិសុទ្ធ ១៩៥៤)

នៅខណនោះ កាលពួកផ្លុំត្រែ នឹងពួកចំរៀង គេប្រគំភ្លេងព្រមគ្នាឮសំឡេងតែ១ ដើម្បីលើកសរសើរ ហើយអរព្រះ‌គុណដល់ព្រះ‌យេហូវ៉ា គឺកាលគេឡើងសំឡេងដោយផ្លុំត្រែ វាយឈឹង ហើយលេងប្រដាប់ភ្លេងទាំងប៉ុន្មាន ព្រមទាំងលើកសរសើរដល់ព្រះ‌យេហូវ៉ា ដោយពាក្យថា ទ្រង់ប្រកបដោយករុណា‌គុណ សេចក្ដីសប្បុរសទ្រង់នៅអស់‌កល្បជានិច្ច នោះស្រាប់តែព្រះ‌វិហារព្រះ‌យេហូវ៉ា មានពេញដោយពពក

Khmer Standard Version 1954 = Hammond Version

ក្រុមអ្នកផ្លុំត្រែ និងក្រុមចំរៀងនាំគ្នាប្រគំជាបទភ្លេង និងបន្លឺសំឡេងច្រៀងព្រមគ្នា ដើម្បីសរសើរ និងលើកតម្កើង ព្រះអម្ចាស់ ។ កាលសំឡេងត្រែ ស្គរ និងឧបករណ៍តន្ត្រីឯទៀតៗប្រគំឡើង ក្រុមចំរៀងនាំគ្នាច្រៀងសរសើរ ព្រះអម្ចាស់ ដោយពាក្យថា «ព្រះអង្គជាព្រះដ៏ល្អសប្បុរស ដ្បិតព្រះហឫទ័យមេត្តាករុណារបស់ព្រះអង្គនៅស្ថិតស្ថេររហូតតទៅ!» ស្រាប់តែមានពពកពេញក្នុងព្រះដំណាក់របស់ ព្រះអម្ចាស់ ។

2 Chronicles 5:13 — Compare Translations