2 Corinthians 11:4 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

ដ្បិតប្រសិន‌បើមានអ្នកណាម្នាក់ មកប្រកាសអំពីព្រះ‌យេស៊ូវណាមួយផ្សេងទៀត ក្រៅពីព្រះ‌យេស៊ូវដែលយើងបានប្រកាស ឬប្រសិន‌បើអ្នករាល់គ្នាទទួលវិញ្ញាណណាមួយផ្សេង ក្រៅពីព្រះ‌វិញ្ញាណដែលអ្នករាល់គ្នាបានទទួល ឬដំណឹងល្អណាផ្សេង ក្រៅពីដំណឹងល្អដែលអ្នករាល់គ្នាបានទទួល នោះអ្នករាល់គ្នាទ្រាំទ្របានយ៉ាងស្រួល។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ព្រោះថាពេលមាននរណាម្នាក់មកប្រកាសអំពីព្រះ‌យេស៊ូណាមួយផ្សេងទៀត ក្រៅពីព្រះ‌យេស៊ូដែលយើងប្រកាសនោះ ឬមួយបើបងប្អូនទទួលវិញ្ញាណណាផ្សេង ក្រៅពីព្រះ‌វិញ្ញាណដែលបងប្អូនបានទទួលហើយ ឬក៏ដំណឹង‌ល្អ*ណាមួយទៀត ក្រៅពីដំណឹង‌ល្អដែលបងប្អូនបានទទួលនោះ បងប្អូនចេះតែអត់‌ឱនឲ្យគេយ៉ាងស្រួលៗ។

Khmer 2012 (Khmer Christian Bible)

ដ្បិតបើមានអ្នកណាម្នាក់មកប្រកាសអំពីព្រះយេស៊ូមួយទៀតដែលយើងមិនបានប្រកាស ឬឲ្យអ្នករាល់គ្នាទទួលវិញ្ញាណផ្សេងទៀតដែលអ្នករាល់គ្នាមិនបានទទួល ឬឲ្យទទួលដំណឹងល្អផ្សេងទៀតដែលអ្នករាល់គ្នាមិនបានទទួល នោះអ្នករាល់គ្នាទ្រាំបានយ៉ាងងាយ។

Khmer 2014 (អាល់គីតាប)

ព្រោះថាពេលមាននរណាម្នាក់ មកប្រកាសអំពីអ៊ីសាណាមួយផ្សេងទៀត ក្រៅពីអ៊ីសាដែលយើងប្រកាសនោះ ឬមួយបើបងប្អូនទទួលវិញ្ញាណណាផ្សេង ក្រៅពីរស‌អុលឡោះដែលបងប្អូនបានទទួលហើយ ឬក៏ដំណឹង‌ល្អណាមួយទៀត ក្រៅពីដំណឹង‌ល្អដែលបងប្អូនបានទទួលនោះ បងប្អូនចេះតែអត់‌អោនឲ្យគេយ៉ាងស្រួលៗ។

Khmer 2023 (ព្រះគម្ពីរខ្មែរសាកល)

ជាការពិត ប្រសិនបើមានអ្នកណាមកប្រកាសព្រះយេស៊ូវមួយផ្សេងទៀត ក្រៅពីព្រះយេស៊ូវដែលយើងបានប្រកាស ឬមួយក៏អ្នករាល់គ្នាទទួលវិញ្ញាណផ្សេងទៀត ក្រៅពីវិញ្ញាណដែលអ្នករាល់គ្នាបានទទួល‍ ឬដំណឹងល្អផ្សេងទៀត ក្រៅពីដំណឹងល្អដែលអ្នករាល់គ្នាបានទទួល នោះអ្នករាល់គ្នាទ្រាំអីក៏បានល្អម្ល៉េះ!

Khmer BFBS (ព្រះគម្ពីរបរិសុទ្ធ ១៩៥៤)

ពីព្រោះបើសិនជាមានអ្នកណាមក ប្រកាសប្រាប់ពីព្រះ‌យេស៊ូវ១ទៀត ដែលយើងខ្ញុំមិនបានប្រកាសប្រាប់ ឬបើអ្នករាល់គ្នាទទួលវិញ្ញាណណាផ្សេងទៀត ដែលមិនបានទទួលពីដើម ឬដំណឹងណាផ្សេងទៀត ដែលមិនទទួលកាលពីមុន នោះអ្នករាល់គ្នានឹងទ្រាំ‌ទ្រវិញជាមិនខាន

Khmer Standard Version 1954 = Hammond Version

ព្រោះថាពេលមាននរណាម្នាក់ មកប្រកាសអំពីព្រះយេស៊ូណាមួយផ្សេងទៀត ក្រៅពីព្រះយេស៊ូដែលយើងប្រកាសនោះ ឬមួយបើបងប្អូនទទួលវិញ្ញាណណាផ្សេង ក្រៅពីព្រះវិញ្ញាណដែលបងប្អូនបានទទួលហើយ ឬក៏ដំណឹងល្អ*ណាមួយទៀត ក្រៅពីដំណឹងល្អដែលបងប្អូនបានទទួលនោះ បងប្អូនចេះតែអត់អោនអោយគេយ៉ាងស្រួលៗ។

2 Corinthians 11:4 — Compare Translations