Colossians 1:20 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

ហើយឲ្យបានផ្សះផ្សាគ្រប់ទាំងអស់ ឲ្យជានានឹងអង្គទ្រង់ ដោយសារព្រះ‌រាជ‌បុត្រានោះ ទោះជានៅផែនដី ឬនៅស្ថានសួគ៌ ទាំងបង្កើតឲ្យមានសន្ដិភាព តាមរយៈលោហិតរបស់ព្រះ‌អង្គដែលបង្ហូរនៅលើឈើឆ្កាង។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ព្រះ‌ជា‌ម្ចាស់បានសម្រុះ‌សម្រួលអ្វីៗទាំងអស់ នៅលើផែនដី និងនៅស្ថានបរម‌សុខ ឲ្យជានានឹងព្រះអង្គវិញ ដោយ‌សារព្រះ‌គ្រិស្ត និងសម្រាប់ព្រះ‌គ្រិស្ត គឺព្រះ‌ជា‌ម្ចាស់បានធ្វើឲ្យមានសន្តិ‌ភាព ដោយព្រះ‌បុត្រាបង្ហូរព្រះ‌លោហិត នៅលើឈើឆ្កាង។

Khmer 2012 (Khmer Christian Bible)

ហើយឲ្យអ្វីៗទាំងអស់ផ្សះផ្សានឹងព្រះអង្គតាមរយៈព្រះរាជបុត្រានោះ គឺតាមរយៈឈាមរបស់ព្រះរាជបុត្រាដែលបានបង្ហូរនៅលើឈើឆ្កាង ព្រះអង្គបានបង្កើតសន្ដិភាពជាមួយអ្វីៗទាំងអស់ មិនថានៅស្ថានសួគ៌ ឬនៅផែនដីទេ។

Khmer 2014 (អាល់គីតាប)

អុលឡោះបានសំរុះ‌សំរួលអ្វីៗទាំងអស់ នៅលើផែនដី និងនៅសូរ៉កា ឲ្យជានានឹងទ្រង់វិញ ដោយ‌សារអាល់ម៉ា‌ហ្សៀស និងសម្រាប់អាល់ម៉ា‌ហ្សៀស គឺអុលឡោះបានធ្វើឲ្យមានសន្ដិ‌ភាព ដោយបុត្រាបង្ហូរឈាម នៅលើឈើឆ្កាង។

Khmer 2023 (ព្រះគម្ពីរខ្មែរសាកល)

ហើយដោយបង្កើតសន្តិភាពតាមរយៈព្រះលោហិតពីឈើឆ្កាងរបស់ព្រះបុត្រា ព្រះបានផ្សះផ្សារបស់សព្វសារពើនឹងអង្គទ្រង់តាមរយៈព្រះបុត្រា ទាំងអ្វីៗនៅលើផែនដី ‍និងអ្វីៗនៅលើមេឃ។

Khmer BFBS (ព្រះគម្ពីរបរិសុទ្ធ ១៩៥៤)

ហើយឲ្យបានផ្សះ‌ផ្សាគ្រប់ទាំងអស់ ឲ្យជានឹងអង្គទ្រង់ ដោយ‌សារព្រះ‌រាជ‌បុត្រានោះ ទោះបើរបស់នៅស្ថាន‌សួគ៌ ឬនៅផែនដីក្តី ទាំងតាំងស្ពានមេត្រី ដោយ‌សារព្រះ‌លោហិតនៃឈើឆ្កាងទ្រង់

Khmer Standard Version 1954 = Hammond Version

ព្រះជាម្ចាស់បានសំរុះសំរួលអ្វីៗទាំងអស់ នៅលើផែនដី និងនៅស្ថានបរមសុខ អោយជានានឹងព្រះអង្គវិញ ដោយសារព្រះគ្រិស្ដ និងសំរាប់ព្រះគ្រិស្ដ គឺព្រះជាម្ចាស់បានធ្វើអោយមានសន្តិភាព ដោយព្រះបុត្រាបង្ហូរព្រះលោហិត នៅលើឈើឆ្កាង។

Colossians 1:20 — Compare Translations