Daniel 2:30 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

ប៉ុន្ដែ ឯទូល‌បង្គំវិញ ព្រះបានសម្ដែងពីអាថ៌‌កំបាំងនេះឲ្យទូល‌បង្គំយល់ មិនមែនដោយព្រោះទូល‌បង្គំមានប្រាជ្ញា លើសជាងមនុស្សទាំងអស់ទេ គឺព្រះ‌អង្គបានសម្ដែងមកដើម្បីកាត់ស្រាយថ្វាយព្រះករុណា ហើយឲ្យព្រះ‌ករុណាបានជ្រាបអស់ទាំងគំនិត ដែលទ្រង់បានគិតនៅក្នុងព្រះ‌ហឫ‌ទ័យប៉ុណ្ណោះ។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ព្រះ‌ជាម្ចាស់បានសម្តែងឲ្យទូលបង្គំស្គាល់គម្រោង‌ការដ៏លាក់កំបាំងដូច្នេះ មិនមែនមកពីទូលបង្គំមានប្រាជ្ញាលើសមនុស្សទាំងអស់ទេ គឺព្រះអង្គសព្វព្រះ‌ហឫទ័យឲ្យទូលបង្គំពន្យល់អត្ថ‌ន័យថ្វាយព្រះ‌ករុណា ហើយឲ្យព្រះ‌ករុណាជ្រាបពីគំនិត ដែលស្ថិតនៅក្នុងព្រះ‌ហឫទ័យរបស់ព្រះ‌ករុណាផ្ទាល់។

Khmer 2014 (អាល់គីតាប)

អុលឡោះបានសំដែងឲ្យខ្ញុំស្គាល់គម្រោង‌ការដ៏លាក់កំបាំងដូច្នេះ មិនមែនមកពីខ្ញុំមានប្រាជ្ញាលើសមនុស្សទាំងអស់ទេ គឺទ្រង់ពេញចិត្តឲ្យខ្ញុំពន្យល់អត្ថ‌ន័យជូនស្តេច ហើយឲ្យស្តេចជ្រាបពីគំនិត ដែលស្ថិតនៅក្នុងចិត្តរបស់ស្តេចផ្ទាល់។

Khmer BFBS (ព្រះគម្ពីរបរិសុទ្ធ ១៩៥៤)

តែចំណែកទូលបង្គំ ការអាថ៌‌កំបាំងនេះបានសំដែងមកឲ្យទូលបង្គំយល់ មិនមែនដោយព្រោះទូលបង្គំមានប្រាជ្ញា លើសជាងមនុស្សណាទៀតទេ គឺដើម្បីឲ្យសេចក្ដីសំរាយនោះ បានសំដែងមក ឲ្យទ្រង់បានជ្រាបវិញ ហើយឲ្យទ្រង់ព្រះ‌ករុណា បានជ្រាបអស់ទាំងគំនិត ដែលទ្រង់បានគិតនៅក្នុងព្រះ‌ទ័យប៉ុណ្ណោះ។

Khmer Standard Version 1954 = Hammond Version

ព្រះជាម្ចាស់បានសំដែងអោយទូលបង្គំស្គាល់គំរោងការដ៏លាក់កំបាំងដូច្នេះ មិនមែនមកពីទូលបង្គំមានប្រាជ្ញាលើសមនុស្សទាំងអស់ទេ គឺព្រះអង្គសព្វព្រះហឫទ័យអោយទូលបង្គំពន្យល់អត្ថន័យថ្វាយព្រះករុណា ហើយអោយព្រះករុណាជ្រាបពីគំនិត ដែលស្ថិតនៅក្នុងព្រះហឫទ័យរបស់ព្រះករុណាផ្ទាល់។

Daniel 2:30 — Compare Translations