Daniel 3:2 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

បន្ទាប់មក ព្រះបាទនេប៊ូ‌ក្នេសាចាត់គេឲ្យទៅប្រមូលពួកនាយក ពួកចៅហ្វាយ ពួកទេសា‌ភិបាល ពួកទីប្រឹក្សា ពួកមេឃ្លាំង ពួកបាឡាត់ ពួកចៅ‌ក្រម និងពួកនាម៉ឺនសព្វមុខមន្ត្រីនៅតាមអាណាខេត្តទាំងប៉ុន្មាន មកជួបជុំគ្នាដើម្បីធ្វើពិធីបុណ្យឆ្លងរូបបដិ‌មាករ ដែលព្រះបាទនេប៊ូ‌ក្នេសាបានដំឡើង។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ព្រះចៅនេប៊ូ‌ក្នេសាចាត់គេឲ្យទៅប្រមូលមេ‌ទ័ព មន្ត្រីរដ្ឋ‌បាល ចៅហ្វាយខេត្ត មន្ត្រីតុលា‌ការ មន្ត្រីរក្សាព្រះ‌រាជ្យទ្រព្យ ព្រះ‌រាជអាជ្ញា ចៅ‌ក្រម និងនាម៉ឺនសព្វមុខមន្ត្រីនៅតាមអាណា‌ខេត្តនានាមកចូលរួមក្នុងពិធីសម្ពោធរូបបដិមាដែលស្ដេចបានកសាង។

Khmer 2014 (អាល់គីតាប)

ស្តេចនេប៊ូ‌ក្នេសាចាត់គេឲ្យទៅប្រមូលមេ‌ទ័ព មន្ត្រីរដ្ឋ‌បាល ចៅហ្វាយខេត្ត មន្ត្រីតុលា‌ការ មន្ត្រីរក្សារាជ្យទ្រព្យ រាជអាជ្ញា ចៅ‌ក្រម និងនាម៉ឺនសព្វមុខមន្ត្រីនៅតាមអាណា‌ខេត្តនានាមកចូលរួមក្នុងពិធីសម្ពោធរូបបដិមាដែលស្តេចបានកសាង។

Khmer BFBS (ព្រះគម្ពីរបរិសុទ្ធ ១៩៥៤)

រួចស្តេចនេប៊ូ‌ក្នេសាទ្រង់ចាត់ឲ្យទៅប្រមូលពួកចៅហ្វាយខេត្ត ពួកភូឈួយ ពួកចៅហ្វាយស្រុក ពួកចៅ‌ក្រម ពួកមេឃ្លាំង ពួកបាឡាត់ ពួកនាយកនគរ‌បាល នឹងអស់ទាំងពួកមន្ត្រីខេត្តទាំងប៉ុន្មាន ឲ្យគេប្រមូលគ្នាមកឯបុណ្យឆ្លងរូប ដែលស្តេចនេប៊ូ‌ក្នេសាតាំងឡើងនោះ

Khmer Standard Version 1954 = Hammond Version

ព្រះចៅនេប៊ូក្នេសាចាត់គេអោយទៅប្រមូលមេទ័ព មន្ត្រីរដ្ឋបាល ចៅហ្វាយខេត្ត មន្ត្រីតុលាការ មន្ត្រីរក្សាព្រះរាជ្យទ្រព្យ ព្រះរាជអាជ្ញា ចៅក្រម និងនាម៉ឺនសព្វមុខមន្ត្រីនៅតាមអាណាខេត្តនានាមកចូលរួមក្នុងពិធីសម្ពោធរូបបដិមាដែលស្ដេចបានកសាង។

Daniel 3:2 — Compare Translations