Daniel 5:23 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

ព្រះ‌ករុណាបានតម្កើងអង្គទ្រង់ ទាស់នឹងព្រះ‌អម្ចាស់នៃស្ថាន‌សួគ៌។ ព្រះករុណាបានបញ្ជាឲ្យគេយកពែងរបស់ព្រះ‌វិហាររបស់ព្រះអង្គមកចំពោះព្រះករុណា ហើយព្រះករុណា និងពួកសេនាបតី ពួកមហេសី និងពួកស្ដ្រីអ្នកម្នាងរបស់ព្រះករុណា បានផឹកស្រាពីពែងទាំងនោះ ព្រះករុណាបានសរសើរតម្កើងព្រះដែលធ្វើពីប្រាក់ មាស លង្ហិន ដែក ឈើ និងថ្ម ដែលមើលមិនឃើញ ស្តាប់មិនឮ ក៏មិនដឹងអ្វីសោះ តែចំណែកឯព្រះ ដែលដង្ហើមរបស់ព្រះ‌ករុណានៅក្នុងព្រះ‌ហស្តរបស់ព្រះ‌អង្គ ហើយអស់ទាំងផ្លូវរបស់ព្រះ‌ករុណាក៏ជារបស់ព្រះអង្គ ព្រះ‌ករុណាមិនបានលើកតម្កើងព្រះ‌អង្គទេ។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ព្រះ‌ករុណាបានប្រឆាំងព្រះ‌អម្ចាស់នៃស្ថានបរម‌សុខ ដោយបញ្ជាឲ្យគេយកពែងពីព្រះ‌វិហាររបស់ព្រះអង្គ មកចាក់ស្រាសម្រាប់ព្រះ‌ករុណា សម្រាប់នាម៉ឺនមន្ត្រី សម្រាប់ពួកមហេសី និងពួកស្នំ។ បន្ទាប់មក ព្រះ‌ករុណាបានសរសើរតម្កើងព្រះដែលធ្វើពីមាស ប្រាក់ លង្ហិន ដែក ឈើ និងថ្មទៅវិញ ជាព្រះដែលមិនចេះមើល មិនចេះស្ដាប់ ហើយមិនដឹងអ្វីទាំងអស់ គឺព្រះ‌ករុណាមិនបានលើកតម្កើងព្រះដែលជាម្ចាស់លើព្រះ‌ជន្ម និងជាម្ចាស់លើដំណើរជីវិតរបស់ព្រះ‌ករុណាឡើយ។

Khmer 2014 (អាល់គីតាប)

ស្តេចបានប្រឆាំងអុលឡោះជាម្ចាស់នៃសូរ៉កា ដោយបញ្ជាឲ្យគេយកពែងពីម៉ាស្ជិទរបស់ទ្រង់ មកចាក់ស្រាសម្រាប់ស្តេច សម្រាប់នាម៉ឺនមន្ត្រី សម្រាប់ពួកភរិយា និងពួកស្នំ។ បន្ទាប់មក ស្តេចបានសរសើរតម្កើងព្រះដែលធ្វើពីមាស ប្រាក់ លង្ហិន ដែក ឈើ និងថ្មទៅវិញ ជាព្រះដែលមិនចេះមើល មិនចេះស្ដាប់ ហើយមិនដឹងអ្វីទាំងអស់ គឺស្តេចមិនបានលើកតម្កើងអុលឡោះដែលជាម្ចាស់អាយុ និងជាម្ចាស់លើដំណើរជីវិតរបស់ស្តេចឡើយ។

Khmer BFBS (ព្រះគម្ពីរបរិសុទ្ធ ១៩៥៤)

គឺទ្រង់បានលើកអង្គទ្រង់ឡើង ទាស់នឹងព្រះ‌អម្ចាស់នៃស្ថាន‌សួគ៌វិញ ហើយគេបាននាំយកពែងរបស់ព្រះ‌វិហារនៃព្រះមកចំពោះទ្រង់ ឯទ្រង់ នឹងអស់ពួកសេនាបតីរបស់ទ្រង់ ព្រមទាំងភរិយា នឹងពួកស្រីអ្នក‌ម្នាងទាំងអស់គ្នា បានផឹកស្រាទំពាំង‌បាយ‌ជូរពីពែងទាំងនោះ ក៏បានសរសើរដល់អស់ទាំងព្រះ ដែលធ្វើពីប្រាក់ មាស លង្ហិន ដែក ឈើ នឹងថ្ម ដែលមើលមិនឃើញ ស្តាប់មិនឮ ក៏មិនដឹងអ្វីសោះ តែចំណែកព្រះដែលក្តាប់ដង្ហើមជីវិតព្រះ‌ករុណានៅក្នុងព្រះ‌ហស្ត ហើយអស់ទាំងផ្លូវរបស់ព្រះ‌ករុណាជារបស់ផងព្រះនោះដែរ នោះព្រះ‌ករុណាមិនបានលើកដំកើងព្រះ‌អង្គនោះសោះ

Khmer Standard Version 1954 = Hammond Version

ព្រះករុណាបានប្រឆាំងព្រះអម្ចាស់នៃស្ថានបរមសុខ ដោយបញ្ជាអោយគេយកពែងពីព្រះវិហាររបស់ព្រះអង្គ មកចាក់ស្រាសំរាប់ព្រះករុណា សំរាប់នាម៉ឺនមន្ត្រី សំរាប់ពួកមហេសី និងពួកស្នំ។ បន្ទាប់មក ព្រះករុណាបានសរសើរតម្កើងព្រះដែលធ្វើពីមាស ប្រាក់ លង្ហិន ដែក ឈើ និងថ្មទៅវិញ ជាព្រះដែលមិនចេះមើលមិនចេះស្ដាប់ ហើយមិនដឹងអ្វីទាំងអស់ គឺព្រះករុណាមិនបានលើកតម្កើងព្រះដែលជាម្ចាស់លើព្រះជន្ម និងជាម្ចាស់លើដំណើរជីវិតរបស់ព្រះករុណាឡើយ។

Daniel 5:23 — Compare Translations