Exodus 16:8 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

លោកម៉ូសេមានប្រសាសន៍ថា៖ «ល្ងាចនេះ ព្រះ‌យេហូវ៉ានឹងប្រទានសាច់ឲ្យអ្នករាល់គ្នាបរិ‌ភោគ ហើយនៅព្រឹកស្អែក ព្រះ‌អង្គនឹងប្រទាននំបុ័ងមកចម្អែតអ្នករាល់គ្នា ដ្បិតព្រះ‌អង្គបានឮពាក្យដែលអ្នករាល់គ្នារអ៊ូ‌រទាំដាក់ព្រះ‌អង្គហើយ។ តើយើងទាំងពីរជាអ្វី? អ្នករាល់គ្នាមិនមែនរអ៊ូ‌រទាំដាក់យើងទេ តែរអ៊ូ‌រទាំដាក់ព្រះ‌យេហូវ៉ាវិញ»។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

លោកម៉ូសេមានប្រសាសន៍ទៀតថា៖ «ល្ងាចនេះ ព្រះ‌អម្ចាស់ នឹងប្រទានសាច់ឲ្យអ្នករាល់គ្នាបរិភោគ ហើយព្រឹកស្អែក ព្រះអង្គនឹងប្រទាននំប៉័ងឲ្យអ្នករាល់គ្នាយ៉ាងបរិបូណ៌ ដ្បិតព្រះអង្គទ្រង់ព្រះ‌សណ្ដាប់ឮពាក្យដែលអ្នករាល់គ្នារអ៊ូ‌រទាំដាក់ព្រះអង្គ។ តើយើងទាំងពីរជាអ្វី? អ្នករាល់គ្នាមិនមែនរអ៊ូ‌រទាំដាក់យើងទេ តែរអ៊ូ‌រទាំដាក់ ព្រះ‌អម្ចាស់ វិញ»។

Khmer 2014 (អាល់គីតាប)

ម៉ូសាមានប្រសាសន៍ទៀតថា៖ «ល្ងាចនេះ អុលឡោះ‌តាអាឡា នឹងប្រទានសាច់ឲ្យអ្នករាល់គ្នាបរិភោគ ហើយព្រឹកស្អែក ទ្រង់នឹងប្រទាននំបុ័ងឲ្យអ្នករាល់គ្នាយ៉ាងបរិបូណ៌ ដ្បិតទ្រង់ឮពាក្យដែលអ្នករាល់គ្នារអ៊ូ‌រទាំដាក់ទ្រង់។ តើយើងទាំងពីរជាអ្វី? អ្នករាល់គ្នាមិនមែនរអ៊ូ‌រទាំដាក់យើងទេ តែរអ៊ូ‌រទាំដាក់ អុលឡោះ‌តាអាឡា វិញ»។

Khmer BFBS (ព្រះគម្ពីរបរិសុទ្ធ ១៩៥៤)

ម៉ូសេក៏ប្រាប់ថា ល្ងាចនេះ ព្រះ‌យេហូវ៉ាទ្រង់នឹងប្រទានសាច់ ឲ្យអ្នករាល់គ្នាបរិភោគ ហើយដល់ព្រឹកឡើងនឹងប្រទាននំបុ័ងឲ្យចំអែត ដ្បិតទ្រង់បានឮពាក្យដំអូញ ដែលអ្នករាល់គ្នាត្អូញនឹងទ្រង់ហើយ ឯយើង តើយើងជាអ្វី ដែលអ្នករាល់គ្នាត្អូញ‌ត្អែរដូច្នេះ នោះមិនមែនត្អូញ‌ត្អែរទាស់នឹងយើងទេ គឺនឹងព្រះ‌យេហូវ៉ាវិញ។

Khmer Standard Version 1954 = Hammond Version

លោកម៉ូសេមានប្រសាសន៍ទៀតថា៖ «ល្ងាចនេះ ព្រះអម្ចាស់ នឹងប្រទានសាច់អោយអ្នករាល់គ្នាបរិភោគ ហើយព្រឹកស្អែក ព្រះអង្គនឹងប្រទាននំបុ័ងអោយអ្នករាល់គ្នាយ៉ាងបរិបូណ៌ ដ្បិតព្រះអង្គទ្រង់ព្រះសណ្ដាប់ឮពាក្យ ដែលអ្នករាល់គ្នារអ៊ូរទាំដាក់ព្រះអង្គ។ តើយើងទាំងពីរជាអ្វី? អ្នករាល់គ្នាមិនមែនរអ៊ូរទាំដាក់យើងទេ តែរអ៊ូរទាំដាក់ ព្រះអម្ចាស់ វិញ»។

Exodus 16:8 — Compare Translations