Exodus 33:12 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

លោកម៉ូសេទូលព្រះ‌យេហូវ៉ាថា៖ «មើល៍! ព្រះ‌អង្គបង្គាប់មកទូល‌បង្គំឲ្យនាំប្រជា‌ជននេះទៅ តែព្រះ‌អង្គមិនបានឲ្យទូល‌បង្គំដឹងថា ព្រះ‌អង្គចាត់អ្នកណាឲ្យទៅជា‌មួយឡើយ។ ព្រះ‌អង្គមានព្រះ‌បន្ទូលថា "យើងស្គាល់អ្នកយ៉ាងច្បាស់ ហើយអ្នកក៏ប្រកបដោយគុណរបស់យើងដែរ"។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

លោកម៉ូសេទូល ព្រះ‌អម្ចាស់ ថា៖ «បពិត្រព្រះ‌អម្ចាស់! ព្រះអង្គបានបង្គាប់ឲ្យទូលបង្គំនាំប្រជា‌ជននេះឆ្ពោះទៅទឹកដីសន្យា ប៉ុន្តែ ព្រះអង្គពុំបានប្រាប់ឲ្យទូលបង្គំដឹងថា ព្រះអង្គនឹងចាត់នរណាឲ្យទៅជាមួយទូលបង្គំឡើយ។ ព្រះអង្គមានព្រះ‌បន្ទូលថា ព្រះអង្គស្គាល់ទូលបង្គំច្បាស់ ហើយព្រះអង្គគាប់ព្រះ‌ហឫទ័យនឹងទូលបង្គំទៀតផង។

Khmer 2014 (អាល់គីតាប)

ម៉ូសាជម្រាប អុលឡោះ‌តាអាឡា ថា៖ « អុលឡោះ‌តាអាឡា! អើយទ្រង់បានបង្គាប់ឲ្យខ្ញុំនាំប្រជា‌ជននេះឆ្ពោះទៅទឹកដីសន្យា ប៉ុន្តែ ទ្រង់ពុំបានប្រាប់ឲ្យខ្ញុំដឹងថា ទ្រង់នឹងចាត់នរណាឲ្យទៅជាមួយខ្ញុំឡើយ។ ទ្រង់មានបន្ទូលថា ទ្រង់ស្គាល់ខ្ញុំច្បាស់ហើយទ្រង់ពេញចិត្តនឹងខ្ញុំទៀតផង។

Khmer BFBS (ព្រះគម្ពីរបរិសុទ្ធ ១៩៥៤)

ម៉ូសេលោកទូលដល់ព្រះ‌យេហូវ៉ាថា មើល ទ្រង់បង្គាប់មកទូលបង្គំឲ្យនាំបណ្តាជននេះឡើងទៅ តែទ្រង់មិនបានឲ្យទូលបង្គំដឹង ជាទ្រង់នឹងចាត់អ្នកណាឲ្យទៅជាមួយសោះ ទ្រង់បានមានបន្ទូលថា អញស្គាល់ឯងយ៉ាងជិតស្និទ្ធ ហើយឯងក៏ប្រកបដោយគុណរបស់អញផង

Khmer Standard Version 1954 = Hammond Version

លោកម៉ូសេទូល ព្រះអម្ចាស់ ថា៖ «បពិត្រព្រះអម្ចាស់! ព្រះអង្គបានបង្គាប់អោយទូលបង្គំនាំប្រជាជននេះឆ្ពោះទៅទឹកដីសន្យា ប៉ុន្តែ ព្រះអង្គពុំបានប្រាប់អោយទូលបង្គំដឹងថា ព្រះអង្គនឹងចាត់នរណាអោយទៅជាមួយទូលបង្គំឡើយ។ ព្រះអង្គមានព្រះបន្ទូលថា ព្រះអង្គស្គាល់ទូលបង្គំច្បាស់ ហើយព្រះអង្គគាប់ព្រះហឫទ័យនឹងទូលបង្គំទៀតផង។

Exodus 33:12 — Compare Translations