Ezra 8:17 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

រួចខ្ញុំចាត់អ្នកទាំងនោះឲ្យទៅជួបអ៊ី‌ដោ ជាមេដឹកនាំ នៅកន្លែងដែលហៅថា កាសិភា ដោយប្រាប់ពាក្យដែលគេត្រូវនិយាយទៅកាន់អ៊ីដោ និងបងប្អូនរបស់លោក ព្រមទាំងពួកអ្នកបម្រើព្រះវិហារ នៅកាសិភានោះ ដើម្បីឲ្យគេនាំពួកអ្នកបម្រើ សម្រាប់ព្រះ‌ដំណាក់របស់ព្រះនៃយើង មកជាមួយ

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ខ្ញុំបានបង្គាប់លោកទាំងនោះឲ្យទៅជួបលោកអ៊ីដោ ដែលជាមេដឹកនាំនៅតំបន់កា‌សិភា។ ខ្ញុំក៏បានប្រាប់ពួកគេអំពីរបៀបដែលត្រូវនិយាយជាមួយលោកអ៊ីដោ និងបងប្អូនលោក ជាក្រុមអ្នកបម្រើព្រះ‌វិហារដែលរស់នៅតំបន់កា‌សិភា ដើម្បីឲ្យពួកគេនាំមនុស្សមកបម្រើការ‌ងារក្នុងព្រះ‌ដំណាក់នៃព្រះរបស់យើង។

Khmer 2014 (អាល់គីតាប)

ខ្ញុំបានបង្គាប់លោកទាំងនោះឲ្យទៅជួបលោកអ៊ីដោ ដែលជាមេដឹកនាំនៅតំបន់កា‌សិភា។ ខ្ញុំក៏បានប្រាប់ពួកគេអំពីរបៀបដែលត្រូវនិយាយជាមួយលោកអ៊ីដោ និងបងប្អូនលោក ជាក្រុមអ្នកបម្រើម៉ាស្ជិទដែលរស់នៅតំបន់កា‌សិភា ដើម្បីឲ្យពួកគេនាំមនុស្សមកបម្រើការ‌ងារក្នុងដំណាក់នៃអុលឡោះជាម្ចាស់របស់យើង។

Khmer BFBS (ព្រះគម្ពីរបរិសុទ្ធ ១៩៥៤)

រួចខ្ញុំចាត់ពួកអ្នកទាំងនោះ ឲ្យទៅឯអ៊ី‌ដោជាមេ ដែលនៅកន្លែងហៅថា កាសិភា ដោយបង្គាប់ពាក្យដែលគេត្រូវជំរាបដល់អ៊ីដោ នឹងពួកនេធីនិម ជាបងប្អូនលោក នៅត្រង់កាសិភានោះ ដើម្បីនឹងនាំពួកអ្នកសំរាប់ធ្វើការ‌ងារ ក្នុងព្រះ‌វិហាររបស់ព្រះនៃយើងរាល់គ្នាមកជា១ផង

Khmer Standard Version 1954 = Hammond Version

ខ្ញុំបានបង្គាប់លោកទាំងនោះ អោយទៅជួបលោកអ៊ីដោ ដែលជាមេដឹកនាំនៅតំបន់កាសិភា។ ខ្ញុំក៏បានប្រាប់ពួកគេអំពីរបៀបដែលត្រូវនិយាយជាមួយលោកអ៊ីដោ និងបងប្អូនលោកជាក្រុមអ្នកបំរើព្រះវិហារដែលរស់នៅតំបន់កាសិភា ដើម្បីអោយពួកគេនាំមនុស្សមកបំរើការងារក្នុងព្រះដំណាក់នៃព្រះរបស់យើង។

Ezra 8:17 — Compare Translations