Hebrews 10:8 — Compare Translations

Khmer (ព្រះគម្ពីរបរិសុទ្ធកែសម្រួល ២០១៦)

កាល​ព្រះ‌យេស៊ូវ​មាន​ព្រះ‌បន្ទូល​ថា៖ «ព្រះ‌អង្គ​មិន​ចង់​បាន ក៏​មិន​សព្វ​ព្រះ‌ហឫ‌ទ័យ​នឹង​យញ្ញ‌បូជា តង្វាយ​ផ្សេងៗ តង្វាយ​ដុត និង​តង្វាយ​លោះ​បាប» (របស់​ទាំង​នេះ​គេ​ថ្វាយ​តាម​ក្រឹត្យ‌វិន័យ)

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ជា​បឋម ព្រះ‌គ្រិស្ត​មាន​ព្រះ‌បន្ទូល​ថា «ព្រះអង្គ​មិន​ចង់​បាន ហើយ​ព្រះអង្គ​ក៏​មិន​សព្វ​ព្រះ‌ហឫទ័យ​នឹង​យញ្ញ‌បូជា តង្វាយ​ផ្សេងៗ តង្វាយ​ដុត​ទាំង​មូល ឬ​យញ្ញ‌បូជា​រំដោះ​បាប» ដែល​គេ​ថ្វាយ​ទៅ​ព្រះ‌ជាម្ចាស់​ស្រប​តាម​ក្រឹត្យ‌វិន័យ​ដែរ។

Khmer 2012 (Khmer Christian Bible)

នៅ​ខាង​លើ​ ព្រះអង្គ​មាន​បន្ទូល​ថា​ ព្រះអង្គ​មិន​ចង់​បាន​យញ្ញបូជា​ តង្វាយ​ តង្វាយ​ដុត​ និង​តង្វាយ​លោះបាប​ ហើយ​ក៏​មិន​សព្វ​ព្រះ​ហឫទ័យ​នឹង​តង្វាយ​ដែល​គេ​ថ្វាយ​តាម​គម្ពីរ​វិន័យ​ឡើយ​

Khmer 2014 (អាល់គីតាប)

ជា​បឋម អាល់ម៉ា‌ហ្សៀស​មាន​ប្រសាសន៏​ថា «ទ្រង់​មិន​ចង់​បាន ហើយ​ទ្រង់​ក៏​មិន​គាប់​ចិត្ត​នឹង​គូរបាន ជំនូន​ផ្សេងៗ គូរបាន​ដុត ឬ​គូរបាន​រំដោះ​បាប» ដែល​គេ​ជូន​ទៅ​អុលឡោះ​ស្រប​តាម​ហ៊ូកុំ​នោះ​ដែរ។

Khmer 2023 (ព្រះគម្ពីរខ្មែរសាកល)

ក្នុង​ឃ្លា​ខាងលើ ព្រះអង្គ​មានបន្ទូល​ថា ព្រះអង្គ​មិន​ចង់បាន ហើយមិន​សព្វព្រះហឫទ័យ​នឹង​យញ្ញបូជា តង្វាយ តង្វាយដុត និង​តង្វាយលោះបាប​នោះ​ទេ ទោះបីជា​យញ្ញបូជាទាំងនោះ​ត្រូវបាន​ថ្វាយ​ស្របតាម​ក្រឹត្យវិន័យ​ក៏ដោយ​។

Khmer BFBS (ព្រះគម្ពីរបរិសុទ្ធ ១៩៥៤)

ក្រោយ​ដែល​មាន​បន្ទូល​ថា យញ្ញ‌បូជា នឹង​ដង្វាយ ហើយ​ដង្វាយ​ដុត នឹង​ដង្វាយ​លោះ​បាប ទ្រង់​មិន​ចង់​បាន​ទេ ក៏​មិន​សព្វ​ព្រះ‌ហឫទ័យ​ដែរ ជា​របស់​ដែល​គេ​ថ្វាយ​តាម​ក្រិត្យ‌វិន័យ

Khmer Standard Version 1954 = Hammond Version

ជា​បឋម ព្រះគ្រិស្ដ​មាន​ព្រះបន្ទូល​ថា «ព្រះអង្គ​មិន​ចង់​បាន ហើយ​ព្រះអង្គ​ក៏​មិន​សព្វ​ព្រះហឫទ័យ​នឹង​យញ្ញបូជា តង្វាយ​ផ្សេងៗ តង្វាយ​ដុត​ទាំង​មូល ឬ​យញ្ញបូជា​រំដោះ​បាប» ដែល​គេ​ថ្វាយ​ទៅ​ព្រះជាម្ចាស់​ស្រប​តាម​ក្រឹត្យវិន័យ​ដែរ។