Luke 10:21 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

នៅវេលានោះ ព្រះ‌វិញ្ញាណបរិសុទ្ធធ្វើឲ្យព្រះ‌យេស៊ូវរីក‌រាយ ហើយមានព្រះ‌បន្ទូលថា៖ «ឱព្រះ‌វរបិតា ជាព្រះ‌អម្ចាស់នៃស្ថាន‌សួគ៌ និងផែនដីអើយ ទូល‌បង្គំសរសើរព្រះ‌អង្គ ព្រោះព្រះ‌អង្គបានលាក់សេចក្តីទាំងនេះនឹងពួកអ្នកប្រាជ្ញ និងពួកឈ្លាស‌វៃ តែបានសម្តែងឲ្យពួកកូនក្មេងយល់វិញ ពិតមែនហើយព្រះ‌វរបិតាអើយ ដ្បិតព្រះ‌អង្គសព្វព្រះ‌ហឫ‌ទ័យយ៉ាងដូច្នោះ។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ខណៈនោះ ព្រះ‌វិញ្ញាណបានធ្វើឲ្យព្រះ‌យេស៊ូមានព្រះ‌ហឫទ័យរីក‌រាយយ៉ាងខ្លាំង។ ព្រះអង្គមានព្រះ‌បន្ទូលថា៖ «បពិត្រព្រះ‌បិតាជាអម្ចាស់នៃស្ថានបរម‌សុខ* និងជាអម្ចាស់នៃផែនដី ទូលបង្គំសូមសរសើរតម្កើងព្រះអង្គ ព្រោះព្រះអង្គបានសម្តែងការទាំងនេះឲ្យមនុស្សតូច‌តាចយល់ តែព្រះអង្គលាក់មិនឲ្យអ្នកប្រាជ្ញ និងអ្នកចេះដឹងយល់ទេ។ មែនហើយ! ព្រះអង្គសព្វព្រះ‌ហឫទ័យសម្រេចដូច្នេះ។

Khmer 2012 (Khmer Christian Bible)

នៅពេលនោះ ព្រះអង្គមានអំណរជាខ្លាំងដោយសារព្រះវិញ្ញាណបរិសុទ្ធ ព្រះអង្គក៏មានបន្ទូលថា៖ «ឱ ព្រះវរបិតាជាម្ចាស់ស្ថានសួគ៌ និងផែនដីអើយ! ខ្ញុំសរសើរតម្កើងព្រះអង្គ ព្រោះព្រះអង្គបានលាក់សេចក្ដីទាំងនេះពីមនុស្សមានប្រាជ្ញា និងមនុស្សឈ្លាសវៃ តែបើកសំដែងដល់ទារកវិញ មែនហើយ ព្រះវរបិតាអើយ! ដ្បិតព្រះអង្គសព្វព្រះហឫទ័យនឹងការបែបនេះណាស់។

Khmer 2014 (អាល់គីតាប)

ខណៈនោះ រស‌អុលឡោះបានធ្វើឲ្យអ៊ីសារីក‌រាយយ៉ាងខ្លាំង។ អ៊ីសាមានប្រសាសន៍ថា៖ «ឱអុលឡោះជាបិតាជាម្ចាស់នៃសូរ៉ក និងជាម្ចាស់នៃផែន‌ដីអើយ ខ្ញុំសូមសរសើរតម្កើងទ្រង់ ព្រោះទ្រង់បានសំដែងការទាំងនេះឲ្យមនុស្សតូច‌តាចយល់ តែទ្រង់លាក់មិនឲ្យអ្នកប្រាជ្ញ និងអ្នកចេះដឹងយល់ទេ។ មែនហើយ! អុលឡោះពេញចិត្តសម្រេចដូច្នេះ។

Khmer 2023 (ព្រះគម្ពីរខ្មែរសាកល)

ពេលនោះ ព្រះយេស៊ូវទ្រង់ត្រេកអរដោយព្រះវិញ្ញាណដ៏វិសុទ្ធ ក៏មានបន្ទូលថា៖ “ព្រះបិតាជាព្រះអម្ចាស់នៃមេឃ និងផែនដីអើយ! ទូលបង្គំសូមសរសើរតម្កើង ព្រះអង្គ ពីព្រោះព្រះអង្គបានលាក់សេចក្ដីទាំងនេះពីអ្នកមានប្រាជ្ញា និងអ្នកមានចំណេះដឹង គឺព្រះអង្គបានសម្ដែងសេចក្ដីទាំងនេះដល់កូនក្មេងវិញ។ មែនហើយ ព្រះបិតាអើយ! ដ្បិតព្រះអង្គបានសព្វព្រះហឫទ័យយ៉ាងដូច្នេះ”។

Khmer BFBS (ព្រះគម្ពីរបរិសុទ្ធ ១៩៥៤)

នៅវេលានោះឯង ព្រះ‌យេស៊ូវទ្រង់កំពុងតែរីក‌រាយដោយព្រះ‌វិញ្ញាណ ក៏មានបន្ទូលថា ឱព្រះវរ‌បិតា ជាព្រះ‌អម្ចាស់នៃស្ថាន‌សួគ៌ នឹងផែនដីអើយ ទូលបង្គំសរសើរដល់ទ្រង់ ពីព្រោះទ្រង់បានលាក់សេចក្ដីទាំងនេះនឹងពួកអ្នកប្រាជ្ញ ហើយនឹងពួកឈ្លាស‌វៃ តែបានសំដែងឲ្យពួកកូនក្មេងយល់វិញ អើ ព្រះវរ‌បិតាអើយ ដ្បិតទ្រង់បានសព្វព្រះ‌ហឫទ័យយ៉ាងដូច្នោះ

Khmer Standard Version 1954 = Hammond Version

ខណៈនោះ ព្រះវិញ្ញាណបានធ្វើអោយព្រះយេស៊ូមានព្រះហឫទ័យរីករាយយ៉ាងខ្លាំង។ ព្រះអង្គមានព្រះបន្ទូលថា៖ «បពិត្រព្រះបិតាជាអម្ចាស់នៃស្ថានបរមសុខ* និងជាអម្ចាស់នៃផែនដី ទូលបង្គំសូមសរសើរតម្កើងព្រះអង្គ ព្រោះទ្រង់បានសំដែងការទាំងនេះអោយមនុស្សតូចតាចយល់ តែទ្រង់លាក់មិនអោយអ្នកប្រាជ្ញ និងអ្នកចេះដឹងយល់ទេ។ មែនហើយ! ព្រះអង្គសព្វព្រះហឫទ័យសំរេចដូច្នេះ។

Luke 10:21 — Compare Translations