Luke 12:58 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

ពេលអ្នកកំពុងតែដើរតាមផ្លូវ ជាមួយសត្រូវរបស់អ្នកនៅចំពោះអាជ្ញាធរ នោះចូរខំប្រឹងដោះខ្លួនឲ្យរួច ក្រែងគេទាញអូសអ្នកទៅឲ្យចៅ‌ក្រម ហើយចៅ‌ក្រមប្រគល់អ្នកឲ្យនគរ‌បាល ហើយនគរ‌បាលនឹងយកអ្នកទៅដាក់គុក។

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ប្រសិនបើអ្នកធ្វើដំណើរទៅតុលាការជាមួយគូ‌វិវាទ នៅតាមផ្លូវ អ្នកត្រូវខំសម្រុះ‌សម្រួលជាមួយអ្នកនោះឲ្យហើយទៅ ក្រែងលោគេបញ្ជូនអ្នកទៅដល់ចៅ‌ក្រម ចៅ‌ក្រមបញ្ជូនអ្នកទៅនគរ‌បាល ហើយនគរ‌បាលយកអ្នកទៅដាក់គុក។

Khmer 2012 (Khmer Christian Bible)

ដ្បិតនៅពេលអ្នកនៅតាម‍ផ្លូវជាមួយគូវិវាទរបស់អ្នកទៅជួបអាជ្ញាធរ ចូរខំប្រឹងដោះស្រាយជាមួយគាត់នៅតាមផ្លូវចុះ ក្រែងលោគេអូសអ្នកទៅឲ្យចៅក្រម ចៅក្រមប្រគល់អ្នកទៅឲ្យនគរបាល ហើយនគរបាលក៏បោះអ្នកទៅក្នុងគុក។

Khmer 2014 (អាល់គីតាប)

ប្រសិនបើអ្នកធ្វើដំណើរទៅតុលាការជាមួយគូ‌វិវាទ នៅតាមផ្លូវអ្នកត្រូវខំសំរុះ‌សំរួលជាមួយអ្នកនោះឲ្យហើយទៅ ក្រែងលោគេបញ្ជូនអ្នកទៅដល់ចៅ‌ក្រម ចៅ‌ក្រមបញ្ជូនអ្នកទៅនគរ‌បាល ហើយនគរ‌បាលយកអ្នកទៅដាក់គុក។

Khmer 2023 (ព្រះគម្ពីរខ្មែរសាកល)

កាលណាអ្នកជាមួយគូវិវាទរបស់អ្នក ចេញទៅជួបមេគ្រប់គ្រង ចូរខិតខំព្យាយាមផ្សះផ្សានឹងគូវិវាទនោះ ខណៈដែលនៅតាមផ្លូវនៅឡើយ ក្រែងលោអ្នកនោះអូសអ្នកទៅចៅក្រម ចៅក្រមនឹងប្រគល់អ្នកទៅឆ្មាំគុក ហើយឆ្មាំគុកនឹងដាក់គុកអ្នក។

Khmer BFBS (ព្រះគម្ពីរបរិសុទ្ធ ១៩៥៤)

ដ្បិតដែលអ្នកកំពុងតែដើរតាមផ្លូវទៅឯចៅហ្វាយ ជាមួយនឹងសត្រូវអ្នក នោះចូរខំប្រឹងដោះខ្លួនឲ្យរួចចេញ ក្រែងគេទាញអូសអ្នកទៅឯចៅ‌ក្រម ចៅ‌ក្រមប្រគល់អ្នកដល់នាយភូឃុំ ហើយនាយភូឃុំនឹងដាក់អ្នកជាប់គុក

Khmer Standard Version 1954 = Hammond Version

ប្រសិនបើអ្នកធ្វើដំណើរទៅតុលាការជាមួយគូវិវាទ នៅតាមផ្លូវអ្នកត្រូវខំសំរុះសំរួលជាមួយអ្នកនោះអោយហើយទៅ ក្រែងលោគេបញ្ជូនអ្នកទៅដល់ចៅក្រម ចៅក្រមបញ្ជូនអ្នកទៅនគរបាល ហើយនគរបាលយកអ្នកទៅដាក់គុក។

Luke 12:58 — Compare Translations