Luke 5:17 — Compare All Translations

Khmer (ព្រះគម្ពីរបរិសុទ្ធកែសម្រួល ២០១៦)

ថ្ងៃមួយ កាលព្រះ‌អង្គកំពុងតែបង្រៀន មានពួកផារិស៊ី និងពួកគ្រូវិន័យអង្គុយនៅទីនោះ។ អ្នកទាំងនោះមកពីគ្រប់ភូមិនៅស្រុកកាលីឡេ ស្រុកយូដា និងក្រុងយេរូ‌សាឡិម ហើយព្រះ‌ចេស្តារបស់ព្រះ‌អម្ចាស់នៅជាមួយព្រះ‌អង្គ ដើម្បីប្រោសឲ្យជា

Khmer 2005 (ព្រះគម្ពីរភាសាខ្មែរបច្ចុប្បន្ន ២០០៥)

ថ្ងៃមួយ ព្រះ‌យេស៊ូកំពុងតែបង្រៀនបណ្ដា‌ជន មានពួកខាងគណៈផារីស៊ី* និងពួកអា‌ចារ្យអង្គុយស្ដាប់ព្រះអង្គដែរ។ អ្នកទាំងនោះធ្វើដំណើរមកពីភូមិនានា ក្នុងស្រុកកាលី‌ឡេ ស្រុកយូដា និងពីក្រុងយេរូ‌សាឡឹម។ ព្រះ‌យេស៊ូប្រកបដោយឫទ្ធា‌នុភាពរបស់ព្រះ‌អម្ចាស់ ព្រះអង្គប្រោសអ្នកជំងឺឲ្យជា។

Khmer 2012 (Khmer Christian Bible)

នៅថ្ងៃមួយ កាលព្រះអង្គកំពុងបង្រៀនបណ្ដាជន មានពួកអ្នកខាងគណៈផារិស៊ី និងពួកគ្រូវិន័យដែលបានមកពីគ្រប់ក្រុងនៃស្រុកកាលីឡេ និងស្រុកយូដា ព្រមទាំងពីក្រុងយេរូសាឡិមបានអង្គុយនៅទីនោះ ហើយអំណាចព្រះអម្ចាស់បាននៅក្នុងព្រះអង្គដើម្បីប្រោសឲ្យជា

Khmer 2014 (អាល់គីតាប)

ថ្ងៃមួយ អ៊ីសាកំពុងតែបង្រៀនបណ្ដា‌ជន មានពួកខាងគណៈផារីស៊ និងអ្នកប្រាជ្ញខាងហ៊ូកុំអង្គុយស្ដាប់អ៊ីសាដែរ។ អ្នកទាំងនោះធ្វើដំណើរមកពីភូមិនានា ក្នុងស្រុកកាលី‌ឡេ ស្រុកយូដា និងពីក្រុងយេរូ‌សាឡឹម។ អ៊ីសាប្រកបដោយអំណាចរបស់អុលឡោះ‌ជាអម្ចាស់ ប្រោសអ្នកជំងឺឲ្យបានជា។

Khmer 2023 (ព្រះគម្ពីរខ្មែរសាកល)

នៅគ្រានោះ មានថ្ងៃមួយដែលព្រះយេស៊ូវកំពុងតែបង្រៀន ហើយមានពួកផារិស៊ី និងពួកគ្រូវិន័យអង្គុយនៅទីនោះ។ ពួកគេបានមកពីគ្រប់ភូមិក្នុងកាលីឡេ យូឌា និងយេរូសាឡិម។ ព្រះចេស្ដារបស់ព្រះអម្ចាស់ស្ថិតនៅក្នុងព្រះអង្គ ដើម្បីប្រោសឲ្យជា។

Khmer BFBS (ព្រះគម្ពីរបរិសុទ្ធ ១៩៥៤)

មានថ្ងៃ១ កាលទ្រង់កំពុងតែបង្រៀន នោះមានពួកផារិស៊ី នឹងពួកអ្នកប្រាជ្ញច្បាប់ ដែលចេញពីគ្រប់ទាំងភូមិស្រុកកាលី‌ឡេ ស្រុកយូដា នឹងក្រុងយេរូ‌សាឡិម គេមកអង្គុយស្តាប់ ហើយព្រះ‌ចេស្តានៃព្រះ‌អម្ចាស់ក៏នៅទីនោះ បំរុងនឹងប្រោសគេឲ្យជាដែរ

Khmer Standard Version 1954 = Hammond Version

ថ្ងៃមួយ ព្រះយេស៊ូកំពុងតែបង្រៀនបណ្ដាជន មានពួកខាងគណៈផារីស៊ី* និងអ្នកប្រាជ្ញខាងវិន័យអង្គុយស្ដាប់ព្រះអង្គដែរ។ អ្នកទាំងនោះធ្វើដំណើរមកពីភូមិនានា ក្នុងស្រុកកាលីឡេ ស្រុកយូដា និងពីក្រុងយេរូសាឡឹម។ ព្រះយេស៊ូប្រកបដោយឫទ្ធានុភាពរបស់ព្រះអម្ចាស់ ទ្រង់ប្រោសអ្នកជំងឺអោយបានជា។

Luke 5:17 — Compare Translations