1 Chronicles 26:32 — Compare Translations

Luganda (BIBU1) (BIBULIYA ENTUKUVU)

Yeriya yalina baganda be abasajja abeesobola enkumi bbiri mu lusanvu abaakuliranga ennyumba za bajjajjaabwe; kabaka Dawudi yabawa obuvunaanyizibwa ku Barubbeni, Abagaadi n'ekyokubiri kya Bamanasse, mu ebyo ebidda ku mirimu gya Katonda ne ku nsonga za kabaka.

Luganda (EEEE) (Endagaano Enkadde n’Endagaano Empya)

Yeriya yalina abasajja abazira era nga mitwe gy’ennyumba zaabwe, enkumi bbiri mu lusanvu, era kabaka Dawudi n’amufuula mulabirizi wa Balewubeeni, n’Abagaadi, n’ekitundu ky’ekika eky’Abamanase, olwa buli kigambo kya Katonda, n’olw’ebigambo bya kabaka.

Luganda (LBR) (EKITABO EKITUKUVU, BAIBULI)

Ne baganda be abasajja abazira baali enkumi bbiri mu lusanvu (2,700), abakulu b'ennyumba za bakitaabwe, kabaka Dawudi be yafuula abalabirizi b'Abalewubeeni n'Abagaadi n'ekitundu ky'ekika eky'Abamanase, ku bikwata ku Katonda, n'okuweereza kabaka.

Luganda (Luganda Bible 2003) (LB03)

Kabaka Dawudi n'alonda Yeriya n'abamulinako oluganda, abasajja abazira enkumi bbiri mu lusanvu abakulu b'ennyumba za bajjajjaabwe, okulabiriranga Abarewubeeni, n'Abagaadi, n'ekimu ekyokubiri eky'Abamanasse mu bikwata ku Katonda ne ku kuweereza kabaka emitala w'Omugga Yorudaani ku ludda olw'ebuvanjuba.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Ne baganda be abasajja abazira baali enkumi bbiri mu lusanvu, emitwe gy'ennyumba za bakitaabwe, kabaka Dawudi be yafuula abalabirizi b'Abalewubeeni n'Abagaadi n'ekitundu ky'ekika eky'Abamanase, olwa buli kigambo kya Katonda, n'olw'ebigambo bya kabaka.