1 Samuel 25:18 — Compare Translations

Luganda (BIBU1) (BIBULIYA ENTUKUVU)

Abigayili naye teyabandaala, n'akwata emigaati ebikumi bibiri, n'endyanga bbiri ez'evviini, n'endiga ennume ttaano eziwedde okufumba, ne seya ttaano ez'eŋŋano ensiike, ebirimba by'emizabbibu egy'omuwotokwa kikumi, n'ebitole ebikumi bibiri eby'entontogolo z'emikunyu enkaze, n'abissa byonna ku ndogoyi,

Luganda (EEEE) (Endagaano Enkadde n’Endagaano Empya)

Awo amangwago Abbigayiri n’ayanguwa n’addira emigaati ebikumi bibiri, n’ebita bibiri ebya wayini, n’ennyama ey’endiga ttaano ennongoose obulungi, n’ebigero bitaano eby’eŋŋaano ensiike, n’ebitole kikumi eby’ezabbibu enkalu, n’ebitole ebikumi bibiri eby’ettiini, n’abiteeka ku ndogoyi.

Luganda (LBR) (EKITABO EKITUKUVU, BAIBULI)

Awo Abbigayiri n'alyoka ayanguwa n'addira emigaati bibiri (200), n'ensawo bbiri (2), ez'amaliba ez'omwenge n'endiga ttaano (5) enfumbire ddala, n'ebigero bitaano (5), eby'eŋŋaano ensiike, n'ebirimba kikumi (100) eby'ezabbibu enkalu, n'ebitole bibiri (200) eby'ettiini, n'abitikka endogoyi.

Luganda (Luganda Bible 2003) (LB03)

Abigayili n'ayanguwa n'addira emigaati ebikumi bibiri, n'ensawo bbiri ez'amaliba ezijjudde omwenge ogw'emizabbibu, n'endiga ttaano enfumbire ddala, n'ebibbo by'eŋŋaano ensiike bitaano, n'ebirimba kikumi eby'emizabbibu emikalu, n'ebitole ebikumi bibiri eby'emitiini, n'abitikka ku ndogoyi.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Awo Abbigayiri n'alyoka ayanguwa n’addira emigaati ebikumi bibiri n'ebita bibiri eby'omwenge n'endiga ttaano enfumbire ddala, n'ebigero bitaano eby'eŋŋaano ensiike, n'ebirimba kikumi eby'ezabbibu enkalu, n'ebitole ebikumi bibiri eby'ettiini, n'abitikka endogoyi.