1 Samuel 31:12 — Compare Translations

Luganda (BIBU1) (BIBULIYA ENTUKUVU)

basajja baabwe bonna abazira ne basituka ne batambula ekiro kyonna, ne bajja ne bawanulayo ku bbugwe wa Beti-Sani omulambo gwa Sawulo n'emirambo gya batabani be, ne bagenda e Yabesi ne bagyokera eyo.

Luganda (EEEE) (Endagaano Enkadde n’Endagaano Empya)

abasajja abazira bonna ne bagolokoka, ne batambula ekiro kyonna ne bagenda e Besusani. Ne bawanulayo omulambo gwa Sawulo, n’egya batabani be ku bbugwe ow’e Besusani, ne bagitwala e Yabesi ne bagyokera eyo.

Luganda (LBR) (EKITABO EKITUKUVU, BAIBULI)

abazira bonna ne bagolokoka ne batambula ne bakeesa obudde ne baggya omulambo gwa Sawulo n'emirambo gya batabani be ku bbugwe w'e Besusani, ne bagitwala e Yabesi ne bagyokera eyo.

Luganda (Luganda Bible 2003) (LB03)

awo abasajja abazira bonna ne basituka, ne batambula ekiro kyonna, ne bawanulayo enjole ya Sawulo n'emirambo gya batabani be ku kisenge ky'ekibuga Betisaani, ne bagireeta e Yabesi ne bagyokera eyo.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

awo abazira bonna ne bagolokoka ne batambula ne bakeesa obudde ne baggya omulambo gwa Sawulo n'emirambo gya batabani be ku bbugwe w'e Besusani, ne bajja e Yabesi ne bagyokera eyo.