2 Kings 25:1 — Compare Translations

Luganda (BIBU1) (BIBULIYA ENTUKUVU)

Awo mu mwaka ogwomwenda ogw'obwakabaka bwe, mu mwezi ogw'ekkumi, ku lunaku olw'ekkumi, Nebukadunezzari kabaka w'e Babiloni yalumba Yeruzaalemu n'eggye lye lyonna. N'asiisira ebweru wakyo ne bazimba ekikomera okukyetooloola.

Luganda (EEEE) (Endagaano Enkadde n’Endagaano Empya)

Awo Zeddekiya nga yakafugira emyaka mwenda, Nebukadduneeza kabaka w’e Babulooni n’eggye lye lyonna ne balumba Yerusaalemi ku lunaku olw’ekkumi mu mwezi ogw’ekkumi; ne basiisira ebweru waakyo, ne bakizimbako ebigo okukyetooloola.

Luganda (LBR) (EKITABO EKITUKUVU, BAIBULI)

Awo olwatuuka mu mwaka ogw'omwenda kasookedde Zeddekiya alya obwakabaka, mu mwezi ogw'ekkumi, ku lunaku olw'ekkumi olw'omwezi, Nebukadduneeza kabaka w'e Babbulooni n'atwala eggye lye lyonna, n'alumba Yerusaalemi okukirwanyisa, n'asiisira okukyolekera; ne bakizimbako ebigo enjuyi zonna.

Luganda (Luganda Bible 2003) (LB03)

Ku lunaku olw'ekkumi mu mwezi ogw'ekkumi mu mwaka ogw'omwenda bukya Zeddeekiya afuuka kabaka, Nebukadunezzari kabaka wa Babilooniya n'ajja n'eggye lye lyonna okulumba Yerusaalemu, n'asiisira okukyetooloola, ne bakizimbako ekigo enjuyi zonna,

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Awo olwatuuka mu mwaka ogw'omwenda kasooka alya obwakabaka, mu mwezi ogw'ekkumi, ku lunaku olw'ekkumi olw'omwezi, Nebukadduneeza kabaka w’e Babulooni n'ajja, ye n'eggye lye lyonna, okulwana ne Yerusaalemi, n'asiisira okukyolekera; ne bakizimbako ebigo enjuyi zonna.