2 Kings 25:17 — Compare Translations

Luganda (BIBU1) (BIBULIYA ENTUKUVU)

Empagi emu ng'eriko emikono kkumi na munaana mu buwanvu, ate enkata ey'ekikomo ku ntwe y'empagi emu nga ya mikono etaano obuwanvu; yali etoneddwa n'akatimba n'amakomamawanga okwetooloola entwe nga byonna bya kikomo; n'empagi eyookubiri ko n'akatimba kaakwo byali bikoleddwa mu ngeri yeemu.

Luganda (EEEE) (Endagaano Enkadde n’Endagaano Empya)

Buli mpagi obugulumivu yali mita munaana ne desimoolo emu ne ku mutwe gwayo nga kuliko ekikomo ng’obugulumivu bwakyo mita emu ne desimoolo ssatu, nga kitoneddwatoneddwa n’ebifaananyi n’amakomamawanga ag’ekikomo okukyetooloola. N’empagi eyookubiri yali ekoleddwa mu ngeri y’emu.

Luganda (LBR) (EKITABO EKITUKUVU, BAIBULI)

Empagi emu obugulumivu bwayo emikono kkumi na munaana (18), nga eriko omutwe ogw'ekikomo obugulumivu bwagwo emikono esatu, nga eriko ebifaananyi by'emikufu n'eby'amakomamawanga ku mutwe okwetooloola, nga byonna bya kikomo. N'empagi eyokubiri nayo ekoleddwa mu ngeri y'emu.

Luganda (Luganda Bible 2003) (LB03)

Empagi emu yali ya mita munaana obugulumivu, ng'eriko omutwe ogw'ekikomo, obugulumivu bwagwo, mita emu n'obutundu busatu. Era yaliko ebifaananyi by'emikuufu n'eby'amakomamawanga, nga biri ku mutwe okwetooloola, nga byonna byakikomo. N'empagi eyookubiri nayo yali ekoleddwa mu ngeri ye emu.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Empagi emu obugulumivu bwayo emikono kkumi na munaana, n'omutwe ogw'ekikomo gwali ku yo: n'omutwe obugulumivu bwagwo emikono esatu; omulimu omuluke n'amakomamawanga nga biri ku mutwe okwetooloola, byonna bya bikomo: n'empagi ey'okubiri yalina ebifaanana ebyo, n'omulimu omuluke.