Daniel 5:10 — Compare Translations

Luganda (EEEE) (Endagaano Enkadde n’Endagaano Empya)

Awo muka kabaka bwe yawulira ebigambo ebyatuuka ku kabaka n’abakungu be, n’agenda mu kisenge ekinene embaga mwe yali n’ayogera nti, “Ayi kabaka, owangaale! Leka kweraliikirira, so tokeŋŋentererwa.

Luganda (LBR) (EKITABO EKITUKUVU, BAIBULI)

Awo mukyala wa kabaka, bwe yawulira ebigambo ebyatuuka ku kabaka n'abaami be, n'ayingira mu kisenge omwali embaga n'agamba nti, “Ai kabaka, obenga omulamu emirembe gyonna, lekerawo okweraliikirira n'entunula yo ereme okukyuka.

Luganda (Luganda Bible 2003) (LB03)

Nnamasole bwe yawulira akacankalano akaali mu kisenge kabaka n'abakungu be mwe baali ku kijjulo, n'ayingira mu kisenge ekyo. N'agamba nti: “Ayi Ssaabasajja, wangaala! Leka kweraliikirira, na kukyuka mu ndabika yo.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Awo kaddulubaale n'ayingira mu nju ey'embaga olw'ebigambo bya kabaka n'abaami be; kaddulubaale n'ayogera nti Ai kabaka, obenga omulamu emirembe gyonna: ebirowoozo byo bireme okukweraliikiriza, so n'amaaso go galeme okuwaanyisibwa: