Deuteronomy 28:48 — Compare Translations

Luganda (BIBU1) (BIBULIYA ENTUKUVU)

awo nno oliweereza omulabe wo Omukama gw'alikusindikira, mu njala, mu nnyonta, mu kuyita obwereere, ne mu bwavu. Alikussa ekikoligo eky'ekyuma ku nsingo yo okutuusa lw'alikuzikiriza.

Luganda (EEEE) (Endagaano Enkadde n’Endagaano Empya)

Noolwekyo ng’oli mu njala ne mu nnyonta, ng’oli bwereere, ng’oli mwavu lunkupe, ojjanga kuweerezanga balabe bo, Mukama b’anaakusindikiranga okulwana naawe! Anaakwambazanga mu bulago bwo ekikoligo eky’ekyuma okutuusa lw’alikuzikiririza ddala.

Luganda (LBR) (EKITABO EKITUKUVU, BAIBULI)

kyonoovanga oweereza abalabe bo Mukama b'anaasindikanga okukulumba, ng'olumwa enjala n'ennyonta, era ng'oli bwereere, era ng'obulwa ebintu byonna: era anaateekanga ekikoligo eky'ekyuma ku nkoto yo, okutuusa lw'alimala okukuzikiriza.

Luganda (Luganda Bible 2003) (LB03)

N'olwekyo abalabe bammwe Mukama b'anaasindikanga okubalumba mmwe, munaabaweerezanga nga mulumwa enjala n'ennyonta, nga muli bukunya, era munaabulwanga byonna bye mwetaaga. Mukama anaabateekanga mmwe ekikoligo eky'ekyuma mu nsingo, anaababonyaabonyanga mmwe n'obukambwe okutuusa lw'alibazikiriza.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

kyonoovanga oweereza abalabe bo Mukama b'anaasindikanga okukulumba, ng'olumwa enjala n'ennyonta, era ng'oli bwereere, era ng'obulwa ebintu byonna: era anaateekanga ekikoligo eky'ekyuma ku nkoto yo, okutuusa lw'alimala okukuzikiriza.