Exodus 29:25 — Compare Translations

Luganda (BIBU1) (BIBULIYA ENTUKUVU)

Awo obiggyanga mu mikono gyabwe n'obyokera ku mwaliiro kungulu kw'ekitambiro ekyokye, akawoowo akasanyusa Omukama, ekitone ekiwongere Omukama n'omuliro.

Luganda (EEEE) (Endagaano Enkadde n’Endagaano Empya)

Onoobibaggyako, n’obyokera ku kyoto ng’obyongera ku kiweebwayo ekyokebwa, mulyoke muveemu akawoowo akalungi akasanyusa Mukama; kye kiweebwayo eri Mukama ekyokye mu muliro.

Luganda (LBR) (EKITABO EKITUKUVU, BAIBULI)

Era olibiggya mu ngalo zaabwe, n'obyokera ku kyoto ku kiweebwayo ekyokebwa, okuba evvumbe eddungi mu maaso ga Mukama; kye kiweebwayo ekyokebwa n'omuliro eri Mukama.”

Luganda (Luganda Bible 2003) (LB03)

Olwo olibibaggyako, n'obyokera ku alutaari, awamu n'ebirabo ebiweebwayo ne byokebwa nga biramba, bibeere evvumbe eddungi lye nsiima Nze Mukama.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Era olibiggya mu ngalo zaabwe, n'obyokera ku kyoto ku kiweebwayo ekyokebwa, okuba evvumbe eddungi mu maaso ga Mukama: kye kiweebwayo ekikolebwa n'omuliro eri Mukama.