Ezekiel 20:8 — Compare Translations

Luganda (BIBU1) (BIBULIYA ENTUKUVU)

Naye banjeemera bujeemezi, tebampulira, tebaggyawo byenyinyalwa kwe baali basimbye amaaso gaabwe, n'ebifaananyi bya balubaale b'e Misiri tebaabireka. Ne ŋŋamba nti nzija kubamalirako obusungu bwange, obuswandi bwange nzija kububamalirako eyo gye bali mu Misiri.

Luganda (EEEE) (Endagaano Enkadde n’Endagaano Empya)

“ ‘Naye ne banjeemera, ne bagaana okumpuliriza; tebaggyawo bintu eby’omuzizo mu maaso gaabwe, newaakubadde okuleka bakatonda abalala ab’e Misiri. Kyenava njogera nti ndibabonerereza mu Misiri.

Luganda (LBR) (EKITABO EKITUKUVU, BAIBULI)

Naye ne banjeemera ne bagaana okumpuliriza; tebaasuula bya mizizo ebyali bibasikiriza, tebaaleka bifaananyi bya Bamisiri. Kale ne nteekateeka okubamalirako ekiruyi n'obusungu bwange eyo wakati mu nsi y'e Misiri.

Luganda (Luganda Bible 2003) (LB03)

Naye ne banjeemera, ne bagaana okuwulira bye mbagamba, ne batasuula bintu ebyenyinyalwa ebibasikiriza, wadde okuleka ebifaananyi bya balubaale b'e Misiri. Kale ne nteekateeka okubamalirako obusungu bwange eyo mu nsi y'e Misiri.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Naye ne banjeemera ne batayagala kumpulira; tebaasuula buli muntu emizizo egy'amaaso gaabwe, so tebaaleka bifaananyi bya Misiri: kale ne njogera okubafukako ekiruyi kyange, okutuukiriza obusungu bwange ku bo wakati mu nsi y'e Misiri.