Ezekiel 30:9 — Compare Translations

Luganda (BIBU1) (BIBULIYA ENTUKUVU)

“ ‘Ku olwo ababaka ndibasindika mu maato bagende bakube entiisa Kuusi aliba teyeefiirayo; ennaku eribakwata ku lunaku Misiri lwe zirimusanga, kubanga lwo okujja lujja.

Luganda (EEEE) (Endagaano Enkadde n’Endagaano Empya)

“ ‘Ku lunaku olwo ndiweereza ababaka mu byombo okutiisatiisa Obuwesiyopya buve mu bugayaavu bwabwo. Entiisa eribakwata ku lunaku Misiri lwe linakuwala, kubanga entiisa erina okujja.

Luganda (LBR) (EKITABO EKITUKUVU, BAIBULI)

“Ku lunaku olwo ababaka balitambula nga bava mu maaso gange nga bagendera mu byombo okutiisa Abaesiyopya abeegolola; kale obubalagaze buliba ku bo, nga ku lunaku lwa Misiri; kubanga, laba, lujja.”

Luganda (Luganda Bible 2003) (LB03)

Ku lunaku olwo ndituma ababaka ne bagendera mu mmeeri, okutiisa ab'e Kuusi abatebenkedde. Balituukibwako obulumi ku lunaku Misiri kw'alibonererezebwa. Ddala olunaku olwo lujja.”

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Ku lunaku olwo ababaka balitambula nga bava mu maaso gange nga bagenderera mu byombo okutiisa Abesiyopya abeegolola; kale obubalagaze buliba ku bo, nga ku lunaku lwa Misiri; kubanga, laba, lujja.