Ezekiel 5:2 — Compare Translations

Luganda (BIBU1) (BIBULIYA ENTUKUVU)

Ennaku z'okuzindwa kwo nga ziwedde, yokya ekyokusatu kyabyo, okyokere mu kibuga wakati. Ddira ekitundu ekyokusatu ogende ng'okikuba n'ekiso nga weetooloola ekibuga; ate ekitundu ekyokusatu ekirala kisaasaanye mu mpewo; kubanga ndibagoba n'ekitala ekisowole.

Luganda (EEEE) (Endagaano Enkadde n’Endagaano Empya)

Ennaku ez’obusibe bwo bwe ziriggwaako, oyokere kimu kya kusatu ku nviiri ezo mu kibuga. Ekimu kya kusatu ekirala okisaasaanye mu mpewo. Ndibagobesa ekitala.

Luganda (LBR) (EKITABO EKITUKUVU, BAIBULI)

Ekitundu eky'okusatu eky'enviiri okyokeranga mu kifaananyi ky'ekibuga, ennaku ez'okukizingiza nga ziweddeko. Ekitundu eky'okusatu ekirala okikwate, ogende ng'okitematema n'ekitala nga weetooloola ekibuga. N'ekitundu eky'okusatu ekisigaddewo, okisaasaanyize mu bbanga, kitwalibwe empewo, nange ndisowolayo ekitala kizigoberere.

Luganda (Luganda Bible 2003) (LB03)

Ekitundu ekimu ekyokusatu okyokere mu kifaananyi ky'ekibuga kye wakubye ku toffaali, ennaku ez'okuzingiza ekibuga ekyo nga ziweddeko. Ekimu ekyokusatu ekirala okikwate, ogende ng'okisalaasala n'ekitala nga weetooloola ekibuga. N'ekimu ekyokusatu ekisigaddewo, okisaasaanyize mu bbanga, kitwalibwe embuyaga, nze nsowoleyo ekitala kizigoberere.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Ekitundu eky'okusatu okyokeranga mu muliro wakati mu kibuga, ennaku ez'okuzingiza nga zituukiridde; n'ekitundu eky'okusatu okiddiranga, n'otema n'ekitala okukyetooloola; n'ekitundu eky'okusatu okisaasaanyizanga eri empewo, nange ndisowola ekitala ekiribagoberera.