Isaiah 16:10 — Compare Translations

Luganda (BIBU1) (BIBULIYA ENTUKUVU)

Era essanyu n'okweyagala bigiddwawo mu nnimiro z'ebibala; tewakyali luyimba na kuyoogaana kwa ssanyu mu nnimiro y'emizabbibu, tekyali asogola ku ssogolero, kubanga okukuba obuluulu kukomye.

Luganda (EEEE) (Endagaano Enkadde n’Endagaano Empya)

Ennimiro engimu ziweddemu essanyu n’okweyagala; ne mu nnimiro z’emizabbibu temuliba ayimba wadde aleekaana; mu masogolero temulibaamu musogozi asogoleramu nvinnyo; okuleekaana kw’omusogozi ng’asogola kukomye.

Luganda (LBR) (EKITABO EKITUKUVU, BAIBULI)

Essanyu n'okweyagala biweddewo, mu nnimiro engimu; ne mu nsuku z'emizabbibu temuliba kuyimba, newakubadde eddoboozi ery'okusanyuka, tewaliba musogozi alisogolera omwenge mu masogolero; nkomezza emizira gy'abasogozi.

Luganda (Luganda Bible 2003) (LB03)

Kaakano tewali asanyuka mu misiri emigimu, tewali ayimba olw'essanyu mu nnimiro z'emizabbibu. Tewali asogola mizabbibu kugikolamu mwenge. Nkomezza emizira gy'abasogozi.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

N'essanyu liggiddwawo, n'emizira giwedde mu nnimiro eŋŋimu; ne mu nsuku z'emizabbibu temuliba kuyimba, newakubadde eddoboozi ery'okusanyuka: tewaliba musogozi alisogolera omwenge mu masogolero; nkomezza emizira gy'abasogozi.