Isaiah 19:1 — Compare Translations

Luganda (BIBU1) (BIBULIYA ENTUKUVU)

Obubaka ku Misiri: Laba: Omukama yeebagadde ekire ekidduka emisinde, ayingira mu Misiri; Bw'anaalabika, ebifaananyi bya balubaale ba Misiri binaakankana, n'emitima gy'Abamisiri ginaabatekemuka munda.

Luganda (EEEE) (Endagaano Enkadde n’Endagaano Empya)

Obunnabbi obukwata ku Misiri: Laba, Mukama yeebagadde ku kire ekidduka ennyo ajja mu Misiri. Ne bakatonda b’e Misiri balijugumira mu maaso ge, n’emitima gy’Abamisiri girisaanuukira munda mu bo.

Luganda (LBR) (EKITABO EKITUKUVU, BAIBULI)

Omugugu gwa Misiri. Laba, Mukama yeebagadde ku kire ekidduka ennyo n'ajja mu Misiri; n'ebifaananyi eby'e Misiri birikankanira mu maaso ge, n'emitima gy'Abamisiri girisaanuukira munda mu bo.

Luganda (Luganda Bible 2003) (LB03)

Bino bye byalangibwa ku Misiri. Laba Mukama yeebagadde ekire ekidduka emisinde, ajja e Misiri. Ebifaananyi bya balubaale baayo, birikankanira mu maaso ge, era Abamisiri baliggwaamu omutima.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Omugugu gwa Misiri. Laba, Mukama yeebagadde ku kire ekiyita amangu n'ajja mu Misiri: n'ebifaananyi eby'e Misiri birinyeenyezebwa mu maaso ge, omutima gwa Misiri gulisaanuuka mu yo wakati.