Jeremiah 23:5 — Compare Translations

Luganda (BIBU1) (BIBULIYA ENTUKUVU)

“Laba, ennaku zijja,” Omukama y'agamba, “lwe nnaasibusiza Dawudi Ettabi ettuufu; kabaka alifuga, aliramuza magezi, alikola ebikolwa eby'obutuukirivu n'obutuufu mu nsi.

Luganda (EEEE) (Endagaano Enkadde n’Endagaano Empya)

“Ennaku zijja, lwe ndiyimusiza Dawudi Ettabi ettukuvu, Kabaka alikulembera n’amagezi akole ebituufu eby’obwenkanya mu nsi,” bwayogera Mukama.

Luganda (LBR) (EKITABO EKITUKUVU, BAIBULI)

“Laba, ennaku zijja, bw'ayogera Mukama, lwe ndirosa eri Dawudi Ettabi ettuukirivu, era alifuga nga ye kabaka, era alikola eby'amagezi, era alisala emisango n'obwenkanya n'obutuukirivu mu nsi.

Luganda (Luganda Bible 2003) (LB03)

Mukama agamba nti: “Ekiseera kirituuka, ne nnonda omuzzukulu omutuukirivu owa Dawudi, n'afuga nga ye kabaka. Kabaka oyo alifugisa magezi, n'akola ebituufu era eby'obwenkanya mu nsi ye.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Laba, ennaku zijja, bw'ayogera Mukama, lwe ndirosa eri Dawudi Ettabi ettuukirivu, era alifuga nga ye kabaka, era alikola eby'amagezi, era alituukiriza emisango n'eby'ensonga mu nsi.