Leviticus 13:26 — Compare Translations

Luganda (BIBU1) (BIBULIYA ENTUKUVU)

Naye kabona bw'akeberanga, mu bbala ne muba nga temuli bwoya bweru, era nga terisimye mu lususu munda, era nga likendedde bukendeezi, anaamukuumiranga bbali yekka okumala ennaku musanvu.

Luganda (EEEE) (Endagaano Enkadde n’Endagaano Empya)

Naye kabona bw’anaakeberanga awo awayidde, n’asanga ng’obwoya obuliwo si bweru, era nga tewennyise kusinga lususu, naye nga tewakyalabika nnyo, kabona anaasibiranga omuntu oyo mu kalantiini okumala ennaku musanvu.

Luganda (LBR) (EKITABO EKITUKUVU, BAIBULI)

Naye kabona bw'anaagikeberanga, era, laba, nga tewali bwoya bweru awali embalabe erungudde, so nga tesensedde wansi w'olususu, naye nga terabika bulungi, kale kabona anaamwawulanga okumala ennaku musanvu.

Luganda (Luganda Bible 2003) (LB03)

Naye kabona bw'anaakeberanga n'alaba nga tewali bwoya bweru, era nga teweesimye kuyisa lususu, naye nga langi yaawo ntangaavu, kabona anaamukuumiranga mu kifo yekka, okumala ennaku musanvu.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Naye kabona bw'anaagikeberanga, era, laba, nga tewali bwoya bweru awali embalabe erungudde, so nga tefulumye wansi w'eddiba, naye nga terabika bulungi; kale kabona anaamusibiranga ennaku musanvu: