Leviticus 15:11 — Compare Translations

Luganda (BIBU1) (BIBULIYA ENTUKUVU)

“ ‘Buli yenna omusajja alina ekikulukuto ky'amazzi gw'akwatangako nga tamaze kunaaba ngalo na mazzi, ayozanga ebyambalo bye n'anaaba n'amazzi; taabenga mulongoofu okutuusa akawungeezi.

Luganda (EEEE) (Endagaano Enkadde n’Endagaano Empya)

Omuntu yenna, omusajja oyo alina ebimuvaamu gw’anaakwatangako nga tasoose kunaaba mu ngalo mu mazzi anaafuukanga atali mulongoofu okutuusa akawungeezi, era anaateekwanga okwoza engoye ze n’okunaaba mu mazzi.

Luganda (LBR) (EKITABO EKITUKUVU, BAIBULI)

Na buli muziku gw'anaakomagako nga tanaabye ngalo, oyo akomeddwako anaayozanga engoye ze n'anaaba mu mazzi, n'asigala nga si mulongoofu okutuusa akawungeezi.

Luganda (Luganda Bible 2003) (LB03)

Ow'enziku bw'anaakwatanga ku muntu nga tamaze kunaaba mu ngalo, akwatiddwako anaayozanga ebyambalo bye, n'anaaba mu mazzi, n'asigala nga si mulongoofu okutuusa akawungeezi.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Na buli omuziku gw'anaakomangako, nga tannanaaba ngalo mu mazzi, anaayozanga engoye ze, n'anaaba mu mazzi, n'aba atali mulongoofu okutuusa akawungeezi.