Leviticus 16:4 — Compare Translations

Luganda (BIBU1) (BIBULIYA ENTUKUVU)

Ayambalanga ekkanzu ey'olugoye, ne munda empale ey'olugoye, yeesibanga omusipi ogw'olugoye, n'azingirira ettambaala ku mutwe ery'olugoye; ebyo bye byambalo ebitukuvu; abyambalanga. Amalanga kunaaba na mazzi nga tannabyambala.

Luganda (EEEE) (Endagaano Enkadde n’Endagaano Empya)

Anaayambalanga ekkooti entukuvu eya bafuta, ne munda ku mubiri gwe anaasookangako empale eya bafuta, nga yeesibye olukoba olwa bafuta, ne ku mutwe ng’asibyeko ekitambaala ekya bafuta. Ebyambalo ebyo bitukuvu, noolwekyo kimusaaniranga okusooka okunaaba omubiri gwe mu mazzi nga tannabyambala.

Luganda (LBR) (EKITABO EKITUKUVU, BAIBULI)

Anaayambalanga ekizibawo ekyo ekya bafuta ekitukuvu, era anaabanga ne seruwale eyo eya bafuta ku mubiri gwe, era nga yeesibye olukoba olwo olwa bafuta, era ng'atikkidde enkuffiira eyo eya bafuta; ebyo bye byambalo ebitukuvu; era anaanaabanga omubiri gwe mu mazzi, n'abyambala

Luganda (Luganda Bible 2003) (LB03)

Anaamalanga kunaaba mu mazzi, n'ayambala ebyambalo ebitukuvu eby'engoye ennungi: ekkanzu n'empale, olukoba n'enkuufiira.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Anaayambalanga ekizibawo ekyo ekya bafuta ekitukuvu, era anaabanga ne seruwale eyo eya bafuta ku mubiri gwe, era nga yeesibye olukoba olwo olwa bafuta, era ng'atikkidde enkufbira eyo eya bafuta; ebyo bye byambalo ebitukuvu; era anaanaabanga omubiri gwe mu mazzi, n'abyambala.