Leviticus 23:13 — Compare Translations

Luganda (BIBU1) (BIBULIYA ENTUKUVU)

Kuno muweererezangako ekitone eky'obuwunga obuweza ebyekkumi bibiri ebya efa nga mutabuddwamu omuzigo, ekitone ekiwongere Omukama n'omuliro, akawoowo akasanyusa. Era ne muweererezaako n'ekitone kyakyo eky'evviini eweza ekyokuna ekya yini.

Luganda (EEEE) (Endagaano Enkadde n’Endagaano Empya)

N’ekiweebwayo eky’emmere ey’empeke ekigenderako kinaabanga kigero kya desimoolo bbiri eza efa, eky’obuwunga obulungi nga mutabuddwamu n’amafuta ag’omuzeeyituuni, nga kye kiweebwayo ekyokebwa n’omuliro eri Mukama Katonda, ne muvaamu evvumbe eddungi erisanyusa Mukama Katonda; n’ekiweebwayo ekyokunywa ekigenderako kinaabanga ekitundu kimu kya kuna ekya lita emu ey’envinnyo.

Luganda (LBR) (EKITABO EKITUKUVU, BAIBULI)

N'ekiweebwayo kyakwo eky'obutta kinaabanga ebitundu bibiri eby'ekkumi ebya efa, eby'obutta obulungi obutabuddwamu amafuta, okuba ekiweebwayo ekyokebwa n'omuliro eri Mukama, okuba evvumbe eddungi; n'ekiweebwayo kyakwo eky'okunywa kinaabanga ekitundu kimu ekyokuna ekya ini eky'envinnyo.

Luganda (Luganda Bible 2003) (LB03)

Awamu n'ekitone ekyo, munaawangayo kilo bbiri ez'obuwunga obukuŋŋuntiddwa obulungi obutabuddwamu omuzigo ogw'emizayiti, ng'ekitone eky'ebyokulya. Akawoowo k'ekitone ekyo, kasanyusa Mukama. Era awamu nakyo, munaawangayo ekitone ekya lita emu ey'omwenge ogw'emizabbibu.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

N'ekiweebwayo kyako eky'obutta kinaabanga ebitundu bibiri eby'ekkumi ebya efa eby'obutta obulungi obutabuddwamu amafuta, ekiweebwayo ekikolebwa n'omuliro eri Mukama okuba evvumbe eddungi: n'ekiweebwayo kyako eky'okunywa kinaabanga kya nvinnyo, ekitundu eky'okuna ekya ini.