Leviticus 27:16 — Compare Translations

Luganda (BIBU1) (BIBULIYA ENTUKUVU)

“ ‘Oba ettaka ly'oku butaka bwe lye yeeyama okuwa Omukama, omuwendo gwalyo guligererwa ku bungi bw'ensigo ezisobola okusigibwamu; sekeli eza ffeeza amakumi ataano ku buli komeri emu ey'ensigo za sayiri.

Luganda (EEEE) (Endagaano Enkadde n’Endagaano Empya)

“Omusajja bw’anaawangayo ekitundu ky’ettaka lye, lye yasikira, eri Mukama Katonda, omuwendo oguligyamu gunaabalirirwanga nga gwesigamizibwa ku bungi bw’ensigo ezeetaagibwa okusiga ku ttaka eryo ne ziggweerako; ensigo za sayiri ezipimibwamu oma zinaabalirirwangamu sekeri za ffeeza amakumi ataano.

Luganda (LBR) (EKITABO EKITUKUVU, BAIBULI)

“Omuntu bw'anaawangayo ekitundu ky'ettaka lye okuba erya Mukama, kale omuwendo gwalyo gunaabalwanga okusinziira ku bungi bw'ensigo ezigendawo. Ennimiro esigibwamu komeri ya sayiri, omuwendo gwayo gunaabanga sekeri eza feeza ataano (50).

Luganda (Luganda Bible 2003) (LB03)

“Omuntu bw'anaawangayo ekitundu ky'ettaka lye, libe erya Mukama, omuwendo gwalyo gunaalamulwanga, okulabira ku bungi bw'ensigo ezimala okukisiga, nga buli kilo amakumi abiri eza bbaale, zigula sekeli ttaano eza ffeeza.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Era omuntu bw'anaatukuzanga eri Mukama ekitundu ky'ennimiro y'obutaka bwe, kale okulamula kwo kunaabanga ng'okusigibwa kwayo bwe kunaabanga okusiga kwa komeri ogwa sayiri kunaalamulwanga sekeri eza ffeeza ataano.