Leviticus 4:18 — Compare Translations

Luganda (BIBU1) (BIBULIYA ENTUKUVU)

Era ku musaayi ogwo anaggyangako ogumu n'agussa ku mayembe g'omwaliiro oguli mu maaso g'Omukama mu Weema ey'Ensisinkano. Omusaayi ogusigaddewo aguyiwanga wansi awo ku mwaliiro gw'ekitambiro ekyokye oguli ku mulyango gwa Weema ey'Ensisinkano.

Luganda (EEEE) (Endagaano Enkadde n’Endagaano Empya)

Anaddiranga ku musaayi n’agusiiga ku mayembe ag’oku kyoto ekiri mu Weema ya Mukama ey’Okukuŋŋaanirangamu mu maaso ga Mukama. Omusaayi ogunaasigalangawo gwonna anaagufukanga ku ntobo y’ekyoto eky’ebiweebwayo ebyokebwa ekiri ku mulyango gwa Weema ya Mukama ey’Okukuŋŋaanirangamu.

Luganda (LBR) (EKITABO EKITUKUVU, BAIBULI)

Awo kabona anaasiiganga ogumu ku musaayi ku mayembe g'ekyoto eky'okwoterezangako eby'akaloosa mu maaso ga Mukama, ekiri mu Weema ey'okusisinkanirangamu; n'omusaayi gwonna ogufisseewo anaaguyiwanga ku ntobo y'ekyoto ekiweerwako ebyokebwa, ekiri ku mulyango gw'Eweema ey'okusisinkanirangamu.

Luganda (Luganda Bible 2003) (LB03)

Ogumu ku musaayi anaagusiiganga ku mayembe g'alutaari eri awali Mukama mu Weema ey'okusisinkanirangamu Mukama, omulala gwonna n'aguyiwa ku ntobo y'alutaari eyokerwako ebiweebwayo, eri ku mulyango gw'Eweema eyo ye emu.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Awo anaasiiganga ku musaayi ku mayembe g'ekyoto ekiri mu maaso ga Mukama, ekiri mu weema ey'okusisinkanirangamu, n'omusaayi gwonna anaaguyiwanga ku ntobo y'ekyoto ekiweerwako ebyokebwa, ekiri ku mulyango gw'eweema ey'okusisinkanirangamu.