Matthew 5:29 — Compare Translations

Luganda (BIBU1) (BIBULIYA ENTUKUVU)

Obanga eriiso lyo erya ddyo likwesittaza, linokolemu olisuule eri, kubanga kisingako ekitundu ekimu ku ggwe okukufa okusinga omubiri gwo gwonna okusuulibwa mu Geyenna.

Luganda (EEEE) (Endagaano Enkadde n’Endagaano Empya)

Noolwekyo obanga eriiso Lyo erya ddyo likuleetera okwesittala, liggyeemu olisuule wala. Kubanga kirungi okugenda mu ggulu ng’ebitundu byo ebimu tobirina okusinga okugenda nabyo byonna mu ggeyeena.

Luganda (LBR) (EKITABO EKITUKUVU, BAIBULI)

Singa eriiso lyo erya ddyo likwesittaza, liggyeemu, olisuule wala; kubanga kye kisinga obulungi ekitundu kyo ekimu kizikirire, okusinga omubiri gwo gwonna lwe gulisuulibwa mu muliro gwa Ggeyeena.

Luganda (Luganda Bible 2003) (LB03)

Singa eriiso lyo erya ddyo likukozesa ekibi, liggyeemu, olisuule wala. Kikugasa okufiirwa ekimu ku bitundu by'omubiri gwo, okusinga omubiri gwo gwonna lwe gusuulibwa mu muliro ogutazikira.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Oba ng'eriiso lyo erya ddyo likwesittaza liggyeemu, lisuule wala: kubanga kye kisinga obulungi ekitundu kyo ekimu kizikirire, omubiri gwo gwonna guleme okusuulibwa mu Ggeyeena.