Numbers 15:4 — Compare Translations

Luganda (BIBU1) (BIBULIYA ENTUKUVU)

buli abanga aweerezza ekitambiro Omukama amuweererezangako ekitone ky'obuwunga obukuŋŋunte obulungi obuweza ekyekkumi ekya efa, nga mutabikiddwamu omuzigo oguweza ekyokuna ekya yini.

Luganda (EEEE) (Endagaano Enkadde n’Endagaano Empya)

kale nno oyo anaaleetanga ekiweebwayo eri Mukama Katonda anaawangayo ekiweebwayo eky’emmere y’empeke eweza nga kilo emu n’ekitundu ez’obuwunga obulungi, nga mutabuddwamu n’amafuta ag’omuzeeyituuni agaweza nga obutundu mwenda obwa Ini ey’amafuta ag’omuzeeyituuni.

Luganda (LBR) (EKITABO EKITUKUVU, BAIBULI)

kale oyo anaawangayo ekiweebwayo kye, anaawangayo eri Mukama ekiweebwayo eky'obutta eky'ekitundu eky'ekkumi ekya efa, ey'obutta obulungi obutabuddwamu ekitundu ekyokuna ekya ini ey'amafuta.

Luganda (Luganda Bible 2003) (LB03)

Oyo antonera Nze Mukama ekitone kye eky'engeri eyo, anaakiwangayo wamu ne kilo emu ey'obuwunga obukuŋŋuntiddwa obulungi, obutabuddwamu lita y'omuzigo ogw'emizayiti, nga kye kiweebwayo eky'emmere ey'empeke.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

kale oyo anaawangayo ekitone kye anaawangayo eri Mukama ekiweebwayo eky'obutta eky'ekitundu eky'ekkumi ekya efa ey'obutta obulungi obutabuddwamu ekitundu eky'okuna ekya ini ey'amafuta: